Popular Bible Verses from MNS 14

Share

Sɛn kəni, ka baran n gòãn dii Dɛnaa Lawa ganaa wa. Ka baran nyɛ́ɛ baa bɛa gána kɛ lɛ a minin man wa. Bɛa minin kɛn lɛn ba re wɔsɛn lɛ boe goon dinin wa. A giala, ǹ bɛ́ dìn mɛnɛn wúlu li, bɛn nə́ ǹ toa walan. A da yaa, Dɛnaa Lawa á kun ka wɔsɛn nɛ. Ka baran nyɛ́ɛ din baa ǹ nɛ wa.»

«Masɛ din nə Dɛnaa Lawa lɛa, ma foo a yui fufuu wa, maa bǐɛ̃ zɛnaa pàã ń gole. Masɛ n siɛ̃-wole a sii baraan laanka bɔlɔ-tii siin tɔɛ ǹ dɛnan manɛ. Sɛnɛ, ma a zɛ̀rɛdɛnaa bii zɛ̀rɛbaãnaa wa. Ma n díin dɔlɔ boe ǹ nɛnyaanan ganaa, yǎa ǹ nɔ̀ɔnɔn nɔ̀ɔnɔn ganaa.»

Bɛ̀ Dɛnaa Lawa nə́ n gɔ́ɔ̃ kaa wɔ nɛ, á die woe ka wɔ nɛ bɛa gána kɛ lɛ nɛ, a kɔ wɔ la, bɛa gána kɛ lɛ, bɔ̀nyaa laanka zoo nyɔɔ n baa sii a nɛ.

Sɛnɛ, taasiɛ kɔsɔ goã maa dí-nyali Kalɛbu sɛ yiri ni, á goã bɔlɔgoondɛnaa lɛa masɛ wɔ paǹ li. A wo ga gána mɛn lɛ-a, masɛ á die we-n walan, ma bɛa bǎã lɛ kɔ a tɔrɔn la.

Ka wo kɛ pɛ ǹ nɛ mà masɛ Dɛnaa Lawa lɛ gɔ́ɔ̃ ǹ boo á ke: Zaman lɛ boo mɛn da, á kaa masɛ too ne, bɛ̀ masɛ ka kũ á kɔnpɛ ka bɛa boo lɛ-n duduu wa, masɛ Dɛnaa Lawa yii bie koo wa.

Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Ǹ nə́ n bɔlɔ lɔlɔkɔn Muizu laanka Aarɔn ganaa, ǹ nə́ pɛ ǹ nɛ kɛnɛn: «Haayii! Ká toa bɛ̀ wɔsɛn dinin man wɔ́ gã Ezipti gána lɛ nɛ, hinlaa diə gole kɛ nɛ.

Min mɛnɛn nə goã ǹ nə́ woo ga gána lɛ ganaa, bɛn min paa, Nunu a nɛgiĩ Zozoe laanka Zefunee a nɛgiĩ Kalɛbu ni, foo ziziɛ̃ taman yii, ǹsɛn nə́ ǹ dɔnkɛn tɔtoɛ̃, ǹ nə́ pɛ Izirayeli zaman lɛ tumaa nɛ: «Wɔsɛn nə gána mɛn lɛ kɔkɔn wɔ́ ga a ganaa, gána siĩn ni a tɔ-a.

Sɛnɛ, bɛ̀ ma n liɛ wa, ma yii bie koo, maa gugurubaa kanaa gɔ́ɔ̃ tumaa pã wa. Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.