Popular Bible Verses from मर्कुस 6

Share

खोन्‍किना येसुआ खोचि म़लोचि, “अ़ङ्‌काएनान खानानिन ओन सुकुलादा बानानिन, खोन्‍कि आन्‍कान अ़क्‍दु सावा तोम्‍सिन्‍ने।” देकिनालो मोदा ब़द्‍धे म़नाचि म़ताङा खोन्‍कि म़खाराङा, खोन्‍कि खोचि चामाछाङ मान्‍कायाङ्‌चि।

खोन्‍किना येसुआ मोचि म़लोचि, “निनाम्‍हाङ्‌य़ङ खाकालु अ़तेन्‌दा, अ़म़नाचिएदा खोन्‍कि आप्‍पि अ़खिम्‌दा साया ऩमेत्‍तुन, मेन नि झारादा साया अ़मेत।”

धियाङ्‌वामाओ अ़केम्‌दा नावादाङ्‌का म़धान्‍तान्‍चिन्‌हिदा मो म़ना मुक्‍लाचि येसुआ म़खाचिकि खोक्‍कोसाआ मोचि सोमाम़तुक्‍तुचि, देकिनालो मोचि अ़चुकाखाङ मात्‍द़ङ्‌ओ भेराचिवात्‍नि म़मुवाङा। खोन्‌ओसा खोक्‍कोसाआ मोचि ब़द्‍धे य़ङ्‌चि चिन्‍मा म़पुङ्‌सुचि।

खोन्‍कि येसुआ मोदा अ़क्‍चिलोक ओन्‍ङा कातुक म़नाचिएदा अ़चुछुक अ़युङ्‌साकि म़नुसुचि, मोदाङ्‌का नि म़दोम्दाओ काचिचि मुमा मान्‍ऱअ़दा। खोन्‍कि मोचिआ साकोङ्‌छ़ङ मान्‍मुअ़दाओ अ़खाकि येसु दोम्‍तुदो। खोन्‍किना खोक्‍को झारा तेन्‌चिदात्‍नि चिन्‌याङ्‌सा म़खाराङा।

खोन्‍कि येसुआ पाच्‌कातात पेम्‍पाक्‌चि खोन्‍कि ह्‍वातात ङाचि अ़क़क्‍ताकि निनाम्‍मादुत्‍नि चोप्‌याङ्‌सा निनाम्‍हाङ आलाङ अ़पुवा, खोन्‍कि पेम्‍पाक्‌चि म़धाङ्‌सुचिकि “म़नाचि हात्‍तानुम्‍च़म”निकिना अ़चुकाखेङ्‌पाचि म़प़चि। खोन्‍कि मो ह्‍वातात ङाचिछाङ खोक्‍कोसाआ झारासोओ अ़चुरादा हाम़मेत्‍तुचि। खोन्‍कि झारासाआ अ़चाकि अ़चुबुक खासा। खोन्‍किना अ़चुकाखेङ्‌पाचिआ पेम्‍पाक खोन्‍कि ङाओ अ़चेत्‌वाचि बारकाखेङ म़कोउचि।