Popular Bible Verses from मर्कुस 7

Share

देकिनालो म़नाओ अ़साकोङ्‌वाहुत्‌याङ्‌काङा अ़अ़त्‍पा मित्‍माचि, म़ना सेत्‍मा, ताङ्‌लान, चान्‍माचामा, ख़मा, च़क्‍ख़य़, अ़त्‍लो काचि, म़प्‍मा, चान्‍माचामा, ऩङ्‌च़, सुङ्‌मा, ऱक्‍भाक खोन्‍कि खामान्‍सिन य़ङ्‌चि म़लोन। ओ झारा अ़त्‍लो य़ङ्‌चि साकोङ्‌वाहुत्‌दाङ्‌का म़लोन, खोन्‍कि मो य़ङ्‌चिआ म़नाचि पोप्‍तुचि।”

म़नाआ चाओ खाक्‍कोछाङ चामायु खो हुत्‌या वाङ्‌कि अ़पोप्‍तुन, मेन, अ़साकोङ्‌वाहुत्‌याङ्‌का बुङ्‌खादा लोन, मो य़ङ्‌आ खो पोप्‍तु।

येसुआ मोचि म़लोचि, “निनाम्‍हाङ्‌य़ङ खाकालु यसैया तोङालो खानानिन कोङ्‌क़त्‌वाचिओ अ़तुक्‌वादा निनाम्‍हाङ्‌य़ङ खालुवायुङ्‌सा, खोसाआ छाप्‍तुयुङ्‌सु, ‘ओ म़नाचिआ अ़चुदोसिवाआ ओन्‍ङा अ़ङ्‌का साया ऩमेत्‍ङा, मेन मोचिओ अ़चुसाकोङ्‌वा अ़ङ्‌कादाङ्‌का अ़थाया युङ्‌याङ।

मोचिआ सोज्‍जे अ़ङ्‌का ऩब़क्‍ङा, मेन मोचिओ अ़चुचिन्‍मा म़नाचिआ म़चिन्‍तुचिओ अ़चुय़ङ्‌हुप ओन्‍ङा ओ।’

खानानिन्‌आ निनाम्‍हाङ्‌ओ अ़चुलोमाय़ङ त़छिरुम, खोन्‍कि म़नाचिओ अ़चुच़माथाङ्‌माचि त़मुम्‌योम्‍च़म।”