Popular Bible Verses from यूहन्‍ना 14

Share

मै टुँहन शान्‍ति देक जाइटुँ। म्‍वार शान्‍ति मै टुँहन देहटुँ, यी संसारक देहलअस शान्‍ति नैहो। आपन मनम दुःखीत जिन होओ ओ जिन डराओ।

येशू हुँकहीन कल, “डगर, सत्‍य ओ जीवन मैहे हुइटुँ। मैद्वारा बाहेक कौनोजन फे बाबकठे पुग नैसेक्‍नेहुइट।

येशू हुँकन कल, “आपन हृदयह दुःखीत हुइ जिन देओ। टुह्र परमेश्‍वरम विश्‍वास कर्ठो, म्‍वारम फे विश्‍वास करो।

बाबा म्‍वार नाउँम पठैना सहायता कर्ना पवित्र आत्‍मा टुँहन सब बात सिखैनेबाट, ओ मै टुँहन कहल सब बात सम्‍झना करैनेबाट।

महीह प्रेम करुइया उह हो जे म्‍वार आज्ञा स्‍वीकार कर्ठा ओ पालन कर्ठा। महीह प्रेम करुइयह म्‍वार बाबा फे प्रेम करुइयाबाट। मै ओहीह प्रेम करुइयाबाटुँ, ओ मै अपन्‍हेह वाकरठे प्रकट करुइयाबाटुँ।”

ओ मै बाबह बिन्‍ती कर्नेबाटुँ, उहाँ टुन्‍हकसँग सड्‌डभर रहक लाग और सहायक पठादेनेबाट। उ सहायक त सत्‍यक आत्‍मा हुइट। उहाँह संसारक मनै स्‍वीकार कर नैसेक्‍ट, काकरकि संसार ना उहाँह द्‍याखट्‍ ना चिन्‍हट्। तर टुह्र उहाँह चिह्‍न्‍ठो, उहाँ टुन्‍हकम बास कर्ठ, ओ टुन्‍हकसँग रह्‍नेबाट।

टुह्र म्‍वार नाउँम ज्‍या मङ्‍बो, म्‍वारतर्फसे बाबक महिमा प्रकट ह्‍वाए कैक मै टुन्‍हक लाग उ काम कैदेनेबाटुँ। टुह्र म्‍वार नाउँम कुछु मङ्‍बो कलसे मै उ टुँहन देनेबाटुँ।

“यदि टुह्र महीह प्रेम कर्ठो कलसे, म्‍वार आज्ञा फे पालन कर्नेबाटो।

म्‍वार बाबक घरम रना ठाउँ धेर बाटन, ओ मै टुन्‍हक लाग ठाउँ तयार पार जाइटुँ। ओसिन नैरहट्‍ कलसे मै टुँहन कने नैरनहुँ।

मै टुन्‍हक लाग ठाउँ तयार पार्क फेदोस्र आइकठुँ, ओ टुँहन लैजाइकठुँ, कि मै जहाँ रहम टुह्र फे उहँ रनेबाटो।

थोमा नाउँक चेला उहाँह कल, “प्रभु, अप्‍न कहाँ जाइटी, हमन थाहाँ नैहो, तब हम्र डगर कसिक चिन्‍ह्‍बी?”