Popular Bible Verses from मत्ती 24

Share

जहोँरतहोँर पापक बिगबिगी रही ओ धेर जन्‍हक प्रेम जुर होजहीन। तर आखिरीसम विश्‍वासम पलरना मनै बचाजैहीँ।

स्‍वर्गक राज्‍यक बारेम खुशीक खबर सारा संसारम प्रचार कैजाई, ताकि हरेक जातिक मनै सुन्‍ना मौका पैहीँ, तबदोस्र संसारक अन्‍त्‍य हुई।

जब टुह्र घमासान लडाइँ ओ हूलदङ्‌गा सुन्‍बो, तब जिन डरैहो। यी त हुइहीपरी, तर संसारक अन्‍त्‍यभर तबहेँ नैहुई।

काकरकि जातिक विरोधम जाति, ओ राज्‍यक विरोधम राज्‍य उठी। जहोँरतहोँर अनिकाल परी ओ भुइँचाल आई। यी सब त दुःखक सुरु केल हो।

आकाश ओ पृथ्‍वी बित्‍क जाई, तर म्‍वार वचन कबु नैबिती।

काकरकि धेर जन ‘ख्रीष्‍ट मैहे हुइटुँ’ कैक दाबी कर्टी अइहीँ, ओ धेर जहन भ्रमम परहीँ।

“तब मनै टुँहन पक्रहीँ ओ सजाय देहक लाग लैजहीँ, ओ टुँहन मुवाइ फे सेकहीँ। टुह्र म्‍वारम विश्‍वास कलर्क कारण सब जातिक मनै टुँहन हेल्‍हा करहीँ। धेर जन विश्‍वासमसे पाछ हट्‍जैहीँ। हुँक्र एक-औरजहन ध्‍वाखा देहीँ ओ हेल्‍हा करहीँ। धेर झूटा अगमवक्तन अइहीँ, ओ धेर जहन छल करहीँ।

तब येशू हुँकन जवाफ देल, “होसियार रहो, त टुह्र ध्‍वाखा नैपैबो।

उहओर्से टुह्र तयार रहपर्ठा, काकरकि मै मनैयक छावा, कैह्‍या घुम्‍क अइम कना बात टुँहन थाहाँ नैहो।

“प्रभुक अइना दिन थाहाँ नैरलकओर्से, जागा रहो!

“म्‍वार अइना दिन कैह्‍या हो कैक ना त स्‍वर्गदूत जन्‍ठ, ना त मै, छावा, जन्‍ठुँ। यी बात परमेश्‍वर बाबा केल जन्‍ठ।

काकरकि झूटा ख्रीष्‍टहुँक्र ओ झूटा अगमवक्तन देखपरहीँ, ओ स्‍याकलसम परमेश्‍वरक र्‍वाजल मनैन फे उल्‍काइक लाग हुँक्र अचम्‍म-अचम्‍मक काम करहीँ ओ चिन्‍ह देखैहीँ।

मै मनैयक छावा घुम्‍क अइना दिनिक अवस्‍था नोअक समयकअस रहुइया बा। जलप्रलय हुइनासे आघ, नोआ जहाजम नैपैँठट्सम मनै खैटिरलह, पिटीरलह, ओ भ्‍वाजकाज कर्टिरलह। परमेश्‍वरक कराइल जलप्रलय सबजहन नाश नैकरट्‍सम हुँक्र कुछु थाहाँ नैपैल। मै मनैयक छावा, घुम्‍क अइना दिन फे ओस्‍तै हुउइया बा।