Popular Bible Verses from Abadjângele 1

Share

Praâbalë nyê gboadje ngâ gbôgbô, gbôgbô nə̈ lâme də̈ gbôgbô ndə̂ Kpɨ̂ki Yingö ndə̂ âjreadje pâ nyê. Käko nyê toadje apö ndə̂ arə ndə̂ nyë wûnsə̂ nə̈ pâ mê bhâ Jerûzalêmo, lə̂ agö ndə̂ Judë gbɛ̂, la andə̂ Samarï, zoo kupâ cho gbɛ̂.»

Jezü tô rə̂ ndə̂nə̈ sə̈ andjê päkëdə̂: «Pö ndə̂kə̂ wunsə̂ alö nə̈ la adalo nə̈ wûn-âbo nyê-a. Kütû Bha mê balë kä ndə̂ ânyîkrə rə̂ bhâtə̂ su yê lə̂ köbosə̂ gbôgbô ndə̂ yê.

Tə̂ngâlo, ndə̂ tche sə̂ lakə̂ zɨ rə la andjê, tche zâma sə̈ andjê päkëdə̂: «Nyë gböäbô gbô bhâ Jerûzalêmo-ê, praâbalë nyë krʉ̈ bëte rə ndə̂ Bha mê zâ bâlâ nə̈ lâme. Mëmê ndjë gbɛ̂ më tô pö ndə̂nə̈ sə̈ nyê alême nə̂! Jâan zä batɛ̂me ndə̂ ngû sə̈ azü, praâbalë lə̂ angâ alö, Ndjapä âzadje batɛ̂me ndə̂ Kpɨ̂ki Yingö sə̈ nyê.»

La tchêngbâ kuzü yê, tche mätə̂ yê alême sə̈ andjê lə̂ aköbo ngbî ngbî, ânyë kə̈ nyîsə̂ nə̈ sə̈ andjê pä anyë kä la tʉ̈rʉ̂ la anyê. Lə̂ alö tə̂ azü bïchuû, tche mâtə̂ yê tə̂ andjê, ânyë kə̈ sə̂ lakə̂ to pö pâ Gbölö gö-gbïɛ̈ ndə̂ Ndjapä sə̈ andjê.

La tchêngbâ pö ndə̂ tche tô rə̂ lâme, tche kênga atə̂ lafô kpôlə̂ la andjê, praâbalë ndə̂ gbô andjê sə̂ lakə̂ wun tchë, ngâ ndrö gʉ̂â sə̂ yê lə̂ la andjê.

Ndə̂ gbô andjê ndə̂po lakə̂ wun tchô ngbâ yê atə̂ lafô, angâ aköchë bïchuû ndə̂ andjë yû grôgrô lə̂ba, nə̂ kə̈ krʉ̂ ndrotə̂ andjê. Aköchë lâme tô rə̂ sə̈ andjê päkëdə̂: «Nyënyê ndə̂ azü gö ndə̂ Galilë, nyë krʉ̈ tchâtə lakə̂ wun tchô atə̂ lafô bëte giamâ? Jezü ndə̂ a zâ tchë lə̂ gûtə̂ nyê ânyë kə̈ kênga la tchë atə̂ lafô lâme, tchê kadje ndjë ngbâ yê batə̂ rə̂ ndə̂ nyë wûn tchë lakə̂ kenga atə̂ lafô lâme.»