Popular Bible Verses from Jâan 21

Share

La tchêngbâ kɨ̈zɨ̂ nə̈, Jezü tô rə̂ sə̈ Chemôn-Pîêre päkëdə̂: «Chemön, modô ndə̂ Jâan, mo nyïndə̂ mê kə̈ rô andjanə̈ âtə?» Chemön tô rə̂ päkëdə̂: «Ɛn-ɛn, Gbölö Gbïɛ̈, mo wûnsə̂ nə̈ nə̂ pä më nyïndə̂ zə̈.» Jezü tô rə̂ sə̈ tchë päkëdə̂: «Amö bata angbavö ɛ̈bro-ngbaga ndə̂ mê!» Jezü kâ tô rə̂ sə̈ tchë tə̂ bïchuû nə̈ päkëdə̂: «Chemön, modô ndə̂ Jâan, mo nyîndə̂ mê nə̂?» Pîêre tô rə̂ päkëdə̂: «Ɛn-ɛn, Gbölö Gbïɛ̈, mo wûnsə̂ nə̈ nə̂ pä më nyïndə̂ zə̈.» Jezü tô rə̂ sə̈ tchë päkëdə̂: «Amö watə̂ earə̂ kə̂ bata aɛ̈bro-ngbaga ndə̂ mê!» Jezü kâ tô rə̂ sə̈ tchë tə̂ vötaâ nə̈ päkëdə̂: «Chemön, modô ndə̂ Jâan, mo nyîndə̂ mê nə̂?» Pîêre wâ la nyonyo bëte rə̂ ndə̂ Jezü kâ tô rə̂ sə̈ tchë tə̂ vötaâ nə̈ päkëdə̂: «Mo nyîndə̂ mê nə̂?» Tche tô rə̂ sə̈ Jezü päkëdə̂: «Gbölö Gbïɛ̈, mo wünsə̂ rə gbɛ̂, mo wûnsə̂ nə̈ nə̂ pä më nyïndə̂ zə̈!» Jezü tô rə̂ sə̈ tchë päkëdə̂: «Amö bata aɛ̈bro-ngbaga ndə̂ mê.

Ɛn-ɛn, tə̂ lëge nə̈ më tö rə̂ sə̈ mö, ndə̂ gbô mö ndə̂po tə̂ bechë, momö la tə̂ zə̈ kä ndə̂ âi wû pâ lə̂ba ndə̂ zə̈, kə̂ e kusə̂ tchô ndə̂ su zə̈ nyîndə̂ nə̈. Âdə mo âdu nə̂, mo âyi könô zə̈ ânyë ngâ akrə ngbî kä ndə̂ â-iadje wû pâ lə̂ba ndə̂ zə̈, kə̂ e la mö kusə̂ tchô ndə̂ su zə̈ nyîâbô nyîndə̂ nə̈-ê.»

Tche tô rə̂ sə̈ andjê päkëdə̂: «Nyë yï gbânda nə̈ də ndôkö, kə̂ gboadje agiangû.» Käko andjë yî gbânda nə̈, kə̈ gbɨ̂tɨ rə̂ tʉrʉ-ê, bëte agiangû sɨ̂sɨ̈ lə̂nə̈.

Chemôn-Pîêre tô rə̂ sə̈ andjê päkëdə̂: «Mê âe ndə̂kə̂ pu agiangû.» Andjë tô rə̂ sə̈ tchë päkëdə̂: «Azə̈ âe la mö.» Käko andjë ê kə̈ â lə̂ külû nə̈. Praâbalë lə̂ bütchî nə̈ gbɛ̂, andjë gbôâbo ngâ giangû balë-a.