लावो पत्रुसका र्वाक्ता, “हननिया, हेङा इमा न-गो शैतानलाई ग्वाक्साका माम्चु़नी-पेलनुङ लिमा थेट्ना, मा इमा ये-द भ्रेट्नाम खउलुङ किचो़ जु़ल्सिट्ना? मे ये-द मेभ्रेथु़म वो इमा त्वाकाम ङा बाइडा, मा भ्रेट्नाम खउलुङ वो इमाङा बाइडा, मा आरेप्माम खारी बेपा ल्वा हेसाका इमा नड्डा रोक्ता? गाना मु़चु़नुङ मेएँ, माम्चु़नीनुङ लिमा थेट्नाम बु।”
ओराम ल्वा थो़स्तु़मा हननिया क्वायु़ पुलु़ झार्स्ता, मा सिडा। मेकोतिमा ओराम ल्वा थो़पा खोत्लेङा छो़म ङिम्डी।