Popular Bible Verses from मत्ती 19

Share

येशूका मेर्मिमलाई किकिर्या रेप्‍तो र्‍वाम्‍डी, “ओराम बोमु मु़चु़मिमका मेचाम्‍मी, लावो माम्‍चु़नीका ने खोत्‍ले बोमु चाम्‍मी।”

आथाडा आनो मेर्चिप नले मेएँ, कोलेङा दु़म्‍चिम बु। मेम्‍मिमका माम्‍चु़नीका उहेमलाई कोले दु़म्‍बेट्‌मिडिचिम बु, मेर्चिपलाई मु़चु़का मेफ्‍वामिनु़।”

लावो गुमीका र्‍वाम्‍डी, “माम्‍चु़नीकु सिजेमडाम हाम गानी डाट्‌निम मिबु? प्रङपा माम्‍चु़नीका सु़म्‍दिमोलो ‘मेर्चिपलाई वोस्‍चो़ नुङ मेसेम बनेबेम्‍डी।’ मेम्‍मा र्‍वाम्‍डी, ‘मेम्‍मिमका मु़चु़का उ माम-पाप डिडु़, मा उ नाइमेनुङ बु, मा मेर्चिप नले कोलेङा दु़म्‍ची।’

लावो येशूका र्‍वाम्‍डी, “चो़च्‍चो़मिमलाई आमाडा रोमु ग्‍वाक्‍नी, मेर्मिमलाई मेभोप्‍नी। हेङालोने पाह्री-किब्‍दी ने ओ चो़च्‍चो़मिम होप्‍मामकामङा सो़।”

लावो ङादो दु़म्पामिम हापा चङडा दु़म्मी, मा चङडा दु़म्पामिम हापा ङादो दु़म्मी।”

मेम्‍मा उहेमका आमा लागि उ त्‍वाकु नेम, वा-ल्‍वाक लोवो, रिचो़ लोवो, माम-पाप लावो, चो़च्‍चो़मिम लोवो, ये-द लोवो डिड्‌डु़म बु, मेरामका को सङङा (१००) हापा ल्‍वासु़। मेम्‍मा हेल्‍लो वो मेसिपा त्‍वारो़म ल्‍वापा दु़म।

येशूका मेरामलाई र्‍वाम्‍डी, “माम्‍चु़नीका न बोमिमिम होङङा जो़पा दु़म्‍मु न बोना माला लक्‍सामा गानानुङ बाट्‌पा खोत्‍ले भ्रेडामा मेराम खउलुङ उनी हाम वो मेबाट्‌पामिममलाई ग्‍वाकामी। मेम्‍मा पाह्रीला खाप्‍ची ल्‍वाना। मेकोतिमा आमा चङचङ लाम्‍दिया।”

येशूका र्‍वाम्‍डी, “जो़पा हाम र्‍वाक्‍साका हेङा गोलाई हिलाबोङी? माम्‍चु़नी कोङङा जो़पा ने बुमी। हेल्‍लो वो मेसिपा त्‍वारो़म ल्‍वामु न बोना माला माम्‍चु़नीकु डु़म्‍ला होम्‍साका दोसा।”

आथावो गो गानीलाई र्‍वाङु, चु़ल्‍बीकु ग्‍वाङलामका ऊँट लुमु छो़मिम होङङा माम्‍चु़नीकु किब्‍दीगोडा खाप्‍चीचो़ हुमु छो़।”

गो गानीलाई र्‍वाङु, उ मोचु़का नाम्‍सु़रु़ मेबु़ लावो गुलाई डिसाका उहेमका वाङमिम मेसेमलाई लालीकुन्‍दा बु़, मेराम मु़चु़का नाम्‍सु़रु़ बु़।”

मेकोतिमा येशूका उनी सीसिपामिमनुङ र्‍वाम्‍डी, “आच्‍छाङा गो गानीलाई र्‍वाङु, पाह्री-किब्‍दीडा खाप्‍चीचो़ हुमु छो़म छो़।