Popular Bible Verses from PUDUT 39

Share

Idi Tuhan nengedengan ni Yusup, pad ieh inan peruan bang luk amung-amung. Idi ieh tudo bang ruma' tuanneh luk lun Masir ineh.

Idi amung-amung luk ieh kuan biré Potipar bang palad Yusup, pad ieh na mesusa' ratnan anun-anun, iamo' ieh ngerawé akanneh sebuleng mo'. Idi Yusup ineh do' ayu idi metaga.

Idi ieh nemaré amung-amung lun bang tutup ineh bang palad Yusup. Idi amung-amung kekamen bang tutup ineh bang imet Yusup teh.

Idi ieh nengecuk ngakem ni Yusup, idi nenuet neneh bang tutup su luk inan raca' nutup lunneh luk mesala', idi Yusup tudo déi'. Iamo' Tuhan nengedengan ni Yusup, idi Ieh nengeperuan neneh, pad lun rayeh luk nginita tutup ineh mawang niat neneh.

Mio rat pangeh ineh idi awan tuanneh ineh nileng neneh, kebalaneh, “Do' iko pamung rudap denganku.” Iamo' Yusup ara', kebalaneh, “Idi tuan na mesusa' ratnan anun-anun luk bang ruma'neh, iamo' amung-amung luk ieh kuan pangeh biréneh bang paladku. Idi bang ruma' ini seburur pana' na luk meluun rayeh rat negku. Idi tuan na sikal ngado binawehneh rat negku, iamo' ratnan iko sebuleng ngaceku iko awanneh. Kudeng apehké ui miak nganau' dat luk kudeng ini rayeh, pad ui nganau' sala' pa kiung Allah?”

Idi bang seaco Yusup nesemuet bang ruma' sikal nganau' kekamenneh, idi seburur pana' nateh bang ruma' kareb ineh. Idi decur ineh nengakem kuyu' Yusup, kebalanneh, “Do' iko pamung negku.” Iamo' Yusup nengelengu kuyu'neh luk inimet decur ineh idi ieh nupun buro rat bang ruma'.