Popular Bible Verses from Jǒn 15

Share

Me nké mu dyisín-kyichí, ben ba-chi i byire. Nang yeě nké mu o-waa ng cibicibi ne me ké byiko, ne me to mu ne nyǐ ké byiko, onet ámu nké o/chi o-zím byirim chwóó. Ké nǎ, â me n*fí* ben baa*man echi chwǒm nang kyibónge*.

Waa n̂g cibicibi ne me ké byiko, me to n/chi n-waa ne ben cibicibi ké byiko. Eringe nyí kyire kii*man ezím byirim ké byiko emen* â kyi*fí cibicibi ne dyisín-kyichí*. Eringe ebónge to ne ben, â ba*fí ba-cibi ng ne me*.

 ben bamu ba-waa ng mě ké byiko, ne byiraa ejí mbyi byi-waa ng běn ké atyém, bí n̂g nang ebóng ńkyí bamu ba-ryuu ng, Bonchí ejí o/chi o-kye běn kánkyí.

Ben ba*da mě ecá* me nké n/cá běn n-tî běn n/fu, ca n̂g ba-kûzím byirim chwóó ḿbyí byidawaa ne banyá. Ne Bonchí ejí kâng o/chi o-kye běn nang ebóng chwǒm ńkyí ben bamu ba-bí ng ǎ, â ba/kó dyizîn ejí.

Kiǐtí-kyijé ńkyí onet odaman etông bacín emen kyi*da/shwôm dyikpen emen ekye ké ashí ebe*.

Bonchí ejí mu o-két ng kyire nang kyirá ńkyí nkyi mě ké byiko, ńkyí kyi*fí kyi-zím m byirim* o-twóp ng. Ne mu o-nap ng kyire nang kyirá ńkyí nkyi kyi-zím m byirim o-tî wááng, eringe kyidakyú kpárám, kyi-kûzím byirim kyi-shwôm eringe nyí kyi/mû kyi-zím m.

Kyije ejí nkyi něen, kû n̂g ejê barî wǎ eringe nyí ben bamu ba-jê ng mě.

 ben bamu ba-zím m byirim chwóó, ányi ben bamu ba-kyâ Bonchí ejí akpee, ne ké bukwóp ḿbún, ben ba/firi bǎmgbán ejí.

Jisos o-chîraa o/fu, me nké mu ochíchí-dyisín-kyichí, ne Bonchí ejí nké mu ntûn dyisín-kyichí ándyi.

Onet mú o*fí o-waa ng cibicibi ne me ké byiko* Bonchí ejí o-twóp ng ǎ kú wǎ kyire-kyichí, o-waa o-jwóm. Bonchí ejí o-kpaa ng azong-byire-kyichí ányi kyikit kyibónge, o-yip o-fé ké okwâ o-shí.

Me nn/sét běn ńkyín, eringe nyí bunyîn-dyityém ejí buda běn ewaa ké byiko, ne eringe nyí buda běn ekwárê kerededet.

 ben bamu ba-tî ng byije ejí, ben ba/chi ba-waa ké kyijé ejí, wǎ eringe nyí me nn/tî byije ḿbyí Bonchí ejí, ne nn/waa ké kyijé emen.

Ńkyín kâng nké me mu n-sét ng běn n/fu, kyú n̂g ne kyijé ne barî.

 ben ba/mû ba-chi i banet ḿbé ejíí ńnyín, ben kâng ba/mû ba/chi ba-kûjê ejíí wǎ banet emen. Nké me n/cá běn ké ejíí ńnyín, ben ba*fí to banet ḿbé ejíí. Ńkyín nké ben bamu ba-sa ng ejíí dyityém.