Popular Bible Verses from Mâk 14

Share

O-fé nshwam o/fu, Kyítá, wo a-man n echi kángkáng byěm. Fîm mě ké mmîk-busông eri mún ejwáp. Nké chi ńkyí wo amu a-ryuu ng. *Dachi ńkyí me mu n-ryuu ng*.

Ne o-raa ne mbé o/fu, kû n̂g ebám ba-fâ nshwam, eringe nyí baa*ba/chi ba-nung ké okan*. Atyém enen nyi a-ryuu ng a/fu, nyǐ a-chi i, nké enyam-byiko enen nké nyi kyeekyee.

Ké ntûntû, me mu n-sét ng běn n/fu, nang nyá ké ejíí emúmú nké ba-kú ba-sét ng Bǎmpém ḿbé Banong, ba/chi ba-sét ńkyí nyǐ oo/chi ké ozîim emen.

Ne o-sét bǎmgbán emen o/fu, bafip baa/sú mě ké dyityém éné wǎ m-kpú u. Kyú n̂g nyín ba-kûbám.

Ńdyí mbe ba-ryí i byiryíng, Jisos o-yip berêt o-fé nshwam o-kó Osówo asǎma, ne o-ját kámú o-kye bǎmgbán emen. Ne o-raa o/fu, koo n̂g ba-ryí. Nyín enyam-byiko ejí.

O-yip to mmîk-bato, ne ké nkéré oo/kó Osówo asǎma, o-yip kámú o-kye bǎmgbán emen. Mbé ashí amúmú ba-jwáp. Jisos o-raa ne mbé o/fu, nyín baróng ejí ḿbé ba/chi ba-byí mě ké byiko, ké dyishí ńdyí banet chwóó. Mbé nké ba/chi ba-chi ocím mú Osówo o/ryí ne banet ne o-sem byiko emen o-shwane.

Jisos o-raa ne mbé o/fu, ben ashí amúmú ba/chi ba-né mě, ké ebóng, ejá-Osówo nyí ba/sáng kyísí e/fu, Osówo o/chi o-ju mbâm ebû, ne ebû e/chi e-pwôo byiryibyiryi.

Bûu n̂g nensang byi-dim. Kan n̂ achi ba-ri. Onet mú mu o-bâ echi ba-kám mě o/firi fáráng nyín.

Jisos o-raa ne Pyíta o/fu, ntûntû nké me mu n-sét ng ǒ n/fu, buchú ḿbú kurún, ne otúkwa o-kó kampén kafee, wo a/chi a-né mě kampén kachât.