Popular Bible Verses from Ilu̍uku 12

Share

Wu̍chē yī ɔla̍ā, ala̍ titi, ala̍ ā de eyī kōkū! Ma̍a Ɔyi̍ yī Ɔngrɔ̄ɔ ge̍ē wā la yɛ̄grāa pi̍i̍ nīi ala̍ i̍ yɛ ē deyīche ɔ̍ ni̍ ma̍.”

Ala̍ ā nāa lɛlā yī Ɔchwɔ̄lɛ̍ Oro̍ōre̍ yī Ɔwɔ kwɔ̄bū la ɔhɔ̄leyī yī ala̍; ma̍a anu̍ ɔlɔjā ge̍ē kwɔgu yī ɛjā ehēhī nūma̍ wa̍a̍ ē de ala̍!

Iji̍sɔ̄ɔsi koko̍o de alɔgbādu ɔla̍ā wa̍a̍ bɛ̍ɛ̄nɛ̄ hīka, “Ala̍ ā du̍mɔ̍-du̍mɔ̍! Ala̍ ā gbō iyī ala̍ hī ānyānyi ita ɔha̍lɔha̍ wa̍a̍! Wu̍chē oji̍ nɛ, i̍ ɔjā nīi ɔ̄chɛ lɛ wa̍a̍ ma̍ re̍ka ɔhɔ̄leyī olēchi̍ lēchi̍ yī ɔ̄chɛ a̍ni̍, ɔlɔjā ge̍ gbɔ̄gbwɔdu bāa ɔjɔ̄jā ma̍.”

Wu̍chē oji̍ nɛ, ɛbɛ nīi wɔdu yī ɔ̄chɛ wa̍a̍ ge̍ lā ma̍, abɔ̍ɔ nīi ūkpɔ̄tū yī nū lā gāa a̍nɛ.

Ala̍ ge̍ yɛ ē hi̍yɛ̄ngura yī lɛlā nūma̍ i̍ngɔ̍ɔ, o̍ re̍ka ala̍ ē hɔ̄ kpɛɛ ē mɛ u̍uma?

Iji̍sɔ̄ɔsi ka de a̍chi̍kpo̍ yī nū bɛ̍ɛ̄nɛ̄ hīka, “Ɔla̍ā - ohu̍ nīi n yɛ ē koko̍o ē de ala̍ a̍nɛ: Ala̍ e̍e hi̍yɛ̄ngura yī ɔjā nīi ala̍ ge̍ē re̍ ē wōwi ma̍, kɛ̄ɛ ɔjā nīi ala̍ ge̍ē tū la ibi̍īyē ma̍ ni̍.

Ūkpō yī inyɛ̄lɛ̄hu̍ yī ala̍, Ɔwɔ de ɔ̍ kɔ̄ka lūkpō-lūkpō mɛ̍. Wu̍chē yī ɔla̍ā, ala̍ e̍e tūuhwi ni̍; ma̍a ala̍ - ɔjā ɔlamu-ɔlamu pɛtɛpɛtɛ hi̍ u̍nu̍u̍nɔ chu̍nɔ yī a̍gba̍ana bāa a̍bɔ̄chɔ̍ɔ̄rā ma̍ nɛ.

“Ala̍ lɛ bāa ribi yī ayɛ̍ɛ̄nyīyɛrɔ̄ ma̍; ala̍ e̍e tūuhwi ni̍. O̍ lɛ Ɔwɔ A̍dā yī ala̍ wɔnyɛ kpɛ̍ɛji nīi o̍ ge̍ē de ɛbɛ yī Ɔchwɔ̄lɛ̍ Oro̍ōre̍ yī nū de ala̍ ma̍.

Ala̍ i̍ ma̍ a̍gba̍ana ni̍? Ida̍agri̍ma bɛ̍ɛ? E̍ i̍ ē nyi ɔjɔ̄jā ni̍, e̍ i̍ ē chī kpo̍ ɔjɔ̄jā la yɛrɔ̄ ni̍. E̍ i̍ lɛ ɛbɛ ode ɔjā gbōgbō kɛ̄ɛ u̍ku̍na ɔha̍lɔha̍ ni̍. Ɔwɔ ē bī wā la ojōre̍ a̍nɛ. Ala̍ chī - ɔjā ɔlamu-ɔlamu pɛtɛpɛtɛ hi̍ a̍gba̍ana nɛ.

Ala̍ e̍e hi̍yɛ̄ngura ka hīka, ‘Oji̍ nīi alɔ ge̍ē re̍ ma̍?’ Kɛ̄ɛ ‘oji̍ nīi alɔ ge̍ē gwa̍ ma̍’ ni̍?

Ɔwɔ ē ya̍ a̍chi̍ ɛla̍ā e̍kre̍biya nīi e̍ ē li̍hi̍hi̍ i̍ngɔ̍ɔ a̍nɛ. A̍chi̍ ɔbɔbɔ nīi ge̍ gblāa ma̍ i̍chɛ ji nīi e̍ ē de wa̍ kwɔla̍ i̍chi̍chi̍ ma̍? Anu̍ nīi Ɔwɔ i̍ ge̍ē jo̍ōkū hwɔhi hwɔhi ē de ɔjā otūlibi̍īyē de ala̍ ni̍ a̍nɛ? Ala̍ ē de ɔtū che Ɔwɔ pi̍nyɛ̍ kpa̍a!

Ɔjāha̍-ɔjāha̍ nīi ge̍ kla̍ ya̍kla̍, o̍ ge̍ē lwāa ē ta̍āpāapɛ̄ we̍. Lɛlā ɔtrɛ̍ba ɔha̍lɔha̍ wa̍a̍ ge̍ē hi̍yɛchɛ we̍.