Popular Bible Verses from Ilu̍uku 14

Share

“Ala̍ ma̍ ko̍ō! I̍ ɔ̄chaha̍-ɔ̄chaha̍ ge̍ē wā dikpo̍ba̍ u ji, ē de pīya a̍chi̍kpo̍ yī u ē mɛ a̍ni̍. Ɔ̍chi̍kpa̍kpa̍, ɔlɔjā ta̍ a̍dā yī nū ba̍la ɛ̍nɛ̍ yī nū, ta̍ ɔnyā yī nū ba̍la ayi̍ yī nū gba̍a ta̍ iyī anu̍ ɔlɔjā.

Ɔ̄chɛ nīi o̍ ge̍ hla̍ anu̍ la ɔyɛ ba̍la ami, ɔlɔjā i̍ ge̍ chikpo̍ yī akanya ɔmɔ̍ɔ̄ma̍ ni̍, ɔ̍lɔma̍ o̍ i̍ ge̍ē re̍ka a̍chi̍kpo̍ yī u ē mɛ ni̍.

Wu̍chē oji̍ nɛ, ɔ̄chaha̍-ɔ̄chaha̍ nīi ge̍ nāa iyī nū ke̍ke̍ni̍, e̍ ge̍ē nāa anu̍ tɛ̍bɛ̍lɛ̍. Ɔ̄chɛ nīi ge̍ chī nāa iyī nū tɛ̍bɛ̍lɛ̍, e̍ ge̍ē bī ɔ̄ gāa ichō ke̍ke̍ni̍.”

I̍ngi̍ngɔ̍ɔ nīi lɛlā yī ala̍ lɛ a̍nɛ. Ɔ̄chɔ̄chɛ yī ala̍ i̍ ge̍ē re̍ka a̍chi̍kpo̍ yī u mɛ ni̍, ɔ̍chi̍kpa̍kpa̍ ɔlɔjā tu̍ hī ɔjāha̍-ɔjāha̍ wa̍a̍ nīi o̍ lɛ ma̍.

Ɔ̄chɛ ge̍ yɛ ge̍ē gwo̍ u̍nu̍ olichīichō ɔha̍, je̍ka o̍ ge̍ē hyāhɔ̄ kichi̍ lɔkɔ nīi okpo ge̍ē bi̍ tū ɔ̄ ma̍ o̍bū? Je̍ka o̍ ge̍ē ma̍ hīka anɔ̍lɔ ka̍a lɛ okpo nīi - ɔ̍lɔ ge̍ē jɛ̄ u̍ku̍rɔ̍ ɔla̍ā ma̍ o̍bū? O̍ i̍ ge̍ ya̍ i̍ngɔ̍ɔ o̍bū ni̍, ɔ̍lɔma̍ o̍ ge̍ē gwo̍ wɔlɛ̍ olichīichō ɔla̍ā nīi o̍ de owu̍tu yī nū tū la ajɛ ma̍ ē mɛ ni̍. Bū la ɛbɛ ɔla̍ā, āchɛ nīi ge̍ē ma̍ lɛlā ɔla̍ā ma̍ ge̍ē ya̍ ɔ̄ la oko̍o: Ɔ̍lɔ ge̍ yii̍s! Ɔngrɔ̄ɔ nūma̍ ɔ̍lɔ yɛ ē gwo̍ wɔlɛ̍, ɔ̍lɔ i̍ chī gwo̍ ɔ̍lɔ mɛ gɛ ni̍!

A ge̍ yɛ ē yɛ̍ɛ̄lā ɔha̍ i̍ngɔ̍ɔ, alyeklo̍ ba̍la eku̍ku, āchɛ nīi kwa̍ābɔ̄ oko̍ōku̍, kwi̍kpo̍ oko̍ōku̍ ma̍, ba̍la āchɛ epriyī aa̍ nīi a ge̍ē hī wā ɛra̍ a̍nɛ. Bū la ɛbɛ ɔla̍ā, a ge̍ē nāa ɔpiyɛ ɔlamu-ɔlamu. Wu̍chē oji̍ nɛ, aa̍ ma̍ i̍ ge̍ē kla̍ awɔ ure̍ mɛ ni̍. Ɔwɔ ge̍ē kla̍ awɔ ure̍ hwɔhi hwɔhi yɛ̄grāa nīi āchɛ ɛnɛ̄ɛhɛhi ge̍ē hye̍ēyī la okū ma̍ a̍nɛ.”

“Ɔmā lwɔnyɛ. Wɔnyɛ yī ɔmā i̍ ge̍ chī hɔ̄ gɛ ni̍, kana̍ nīi ɔ̄chɛ ge̍ē ya̍ nīi o̍ ge̍ē lɛ ɔmɔ̄ɔmā mɛ we̍ ma̍? O̍ i̍ chī hwɔhi de ajɛ kɛ̄ɛ limū o̍bo̍bū ni̍; ode chīyenū ji bɛ̍ɛ̄nɛ̄ nɛ. Ala̍ ge̍ tū arɔ̄ ɔplɛ̍ɛ̄lā ma̍, ala̍ ē po̍ gɛ!”