Popular Bible Verses from Luka 13

Share

Yena hakuyila nindi, Kabilenu kwijila kuchisu chanyanya; nukuyileja nami amavulu amba kakeŋa kwijila mu, amba kakaŋanya.

Kutala mudi mumbanda wedikaŋa demoni wawufwayi wanyaka ikumi nayitanu nayisatu; wakuminaŋa dakubandaŋila hohu, kutwesha kubanduka hela chanti nehi. Yesu chanamumoniyi, hakumutambi ka nindi, Eyi mumbanda, wufwayi weyi wunakusubuki dehi.

Hakumunaŋika makasindi, hohenohu oloka nikwoloka, hakumulemesha Nzambi.

Tiyenu, akukuminina diwu akekala akusambila; akusambila diwu akekala akukuminina.

Chamba kela mwanta wetala nanyamuki dehi, nenzeli dehi chenzelu, enu mwakatachika kwimana kuchisu hanzi nakudondomwena, nakubidika nenu, Mwanta twenzulwiluku. Yena wakayakula nindi, Ami kwami kuyiluka nehi, hela kumwafuma.

Nukuyileja nami, nehi; chiŋa mubalumuka munyichima yenu; neyi nehi, dichi mwamba kanoŋa ninenu nawa.

Yena wakayila nindi, Nukuyileja nami, ami kwami kuyiluka nehi, hela kumwafuma. Nfumenu, enu akwakuluwa ejima.

Dichi hakuhosha cheŋi nindi, Wanta waNzambi wunafwani neyi chumanyi? Nukuwufwikŋa nachumanyi? Wunafwani neyi kalubutu kamostadi katumbiliyi muntu mwitempa dindi; hikakukula, hikakwikala chiputa chacheni; atujila ahaluzwizu hiyakutuntama kunyitayi yachu.