Popular Bible Verses from Luka 5

Share

Chanakumishiyi kuhosha, hakumwila Shimona nindi, Swŋienu kwakunama, mulalumuni mawandenu, mukwati inshi.

Shimona hakumwakula nindi, Mwanta, tunakabakani wufuku wejima, kabakane-e, kukwata nehi, ilaŋa ichi chiwunahosheyi nukukumina dakulalumuna mawanda. Chaneluwu mwenimu, apompeshelelumu ilembu danshi dadeni; nimawandawu hiyakukeŋa kuketuka.

Yena hakuwombolokela mwisaŋa nakulomba.

Hinenzi nakutambika aloŋaku, nenzi nakutambika akwanshidi abalumuki munyichima.

Shimona Petulu chanachimoniyi, hakudinata kumanuŋu aYesu nindi, Mwanta, afumi mwani kudami, muloŋa ami nimukwanshidi.

Yesu hakuyakula nindi, Akola hiyakeŋakeŋaŋa chimbukuku, chiŋa akata.

Chanashikijuwu maatu awu kuchi kumu, hiyakushiya yuma yejima hiyakumulonda.

Chadiŋiyi mumukala weneni wumu, kutala iyala wumu wazemoka dehi namusoŋu wambumba; yenowu chanamumoniyi Yesu, hakudinata chamesu heseki, hakumulembelela nindi, Mwanta, neyi wuneteji, wukutwesha kuntookesha. Yesu hakwolola chikasa chindi, hakumukunka nindi, Neteji, tookaku. Hohenohu musoŋu windi wambumba wumufuma nikumufuma.

Mpuhu yindi yisweja nikutiyakana; mazaza amaneni hiyakupompela kudi yena nakutiya nikuyuka yikatu yawu.