Popular Bible Verses from Luka 8

Share

Yahamaseki amawahi, wowu antu atiyaloŋa mazu namuchima wawu wawuwahi walumbuluka, hiyakuyikwata naŋovu, hiyakusoŋa nikutatakenamu chikupu.

Yaholokeleli munyiŋa, wowu antu akwila chakutiyawu, hiyakudiyila kwawu; kwakama, nimaheta, nikutiya kuwaha nayuma yawumi wunu, hiyikuyijika, kusoŋa chalala nehi.

Ahelola, wowu antu akwila chakuyitiyawu, hiyakutambula mazu namuzaŋalu; wena muji nehi, akwitiya kapinji kanti, chakamonawu yuma yakuyeseka, hiyakusenukamu.

Hakuyila nindi, Kukuhwelela kwenu kwokudihi? Atiya niwoma, hiyakudihayamina, hiyakudila wumu namukwawu nawu, Yeniwu akwovwahilawu kudi mpepela nimeji hinyi?

Akunsa yanjila, wowu antu akwila chakuyitiyawu, diyabolu hakwinza nakuhukula mazu munyichima yawu, akenda kwitiya hiyakuhanda.

Muloŋa hikwekala chuma chabutaŋawu chikubula kumwekana hatookaku; hela chuma chakujinda chikubula kutiyakanaku, chikwidika hatooka.

Owu mumbanda, chanamoniyi nakaŋanyi dehi kuswamana, hakwinza nakuzaala, hakudinata hamaseki kumesu indi, hakushimuna hatooka kumesu awantu ejima nsaŋu yamukunkililiyi, ninichi chanakoliyi dehi hohenohu. Yesu hakumwila nindi, Mwanami, kukuhwelela kweyi kunakukoleshi dehi; yaloŋa nakuwunda.

Hiyakwinza nakumuhindwisha nawu, Mwanta, Mwanta, tunafwi! Hakuhinduka, hakuhoshola mpepela nimeji adiŋi nakubwankaŋila, amwena nizo-o, kuwunda nibe-te-te.