Popular Bible Verses from Luka 7

Share

Dichi nukukuleja nami nyiloŋa yindi yayivulu anamwanakeniyi; dihu hanafumi kunkeŋa nankashi. Hakwila muntu aanakenuwu nyiloŋa yantesha, wukunkeŋa nawa chantesha. Hakumwila owu mumbanda nindi, Nyiloŋa yeyi anakwanakeniyi.

Yena hakumwila owu mumbanda nindi, Kukuhwelela kweyi kunakuhandishi dehi; yaloŋa nakuwunda.

Hakwimana nakudila kunyendu yaYesu kunyima, hakutachika kuzowesha kunyendu yaYesu namadilu indi, hakuyikombola nansuki jakunamutu windi, hakupwepujola kunyendu yindi, hakuyiwayisha wenowu malasha.

Dichi chinabuli kwinza ami aweni kudeyi, nadimoni nami ami hinimuntu wakutela kwinza kudeyuku; dichi ahoshi mwani kwezu hohu, mukwenzi wami wukukola. Muloŋa ninami nawa nimuntu ni kweti anyanta jami, hela ami aweni ni kweti mashidika aŋovwahilaŋa. Nelaŋa iwu nami, Yaŋa; hakuya. Mukwawu nami, Inzaŋa; hakwinza. Nduŋu yami nami, Ilaku chumichi; hakuchila. Yesu chanatiyiyi yumiyi hakumuhayama, hakushetumuka, hakwila izaza dadiŋi nakumulondela nindi, Nayileji nami, kanda nimonaŋahu dehi kukuhwelela kwasweja chi kuma hanichuku, hela muIsarela mwamweni.

Yena mpinji oyu hakukolesha niantu amavulu adiŋi nanyisoŋu, niadiŋi nayipupu, niadiŋi nawademoni, hakutonesha niamputamesu amavulu. Yesu hakuyakula nindi, Yenu mwakamuleji Yowanu yuma yimunamoni niniyi yimunatiyi; amputamesu hiyakutona, akwakubalakata hiyakwenda chachiwahi, akwambumba hiyakutooka, ajika matu hiyakutiya, afu hiyakuyisaŋula, atuzweŋi hiyakuyishimwina nsaŋu yayiwahi.