Popular Bible Verses from Johan 14

Share

Nangamnak ka tan matta hngai; ka nangamnak ka tan pia hngai. Vulei mi ih piak mangin ka tan pia hngai lo. Nan sivang hlah uh; cun hrul hlah uh.

Jesuh ni, “Kei cu lam, thutak leh nunnak ka ii. Kamah thawngin simlo ahuhman Pa hem a pha zo lo.

“Nan thinhar hlah seh. Pathian zum u la, kei khaw ma zum uh.

A i na’n Khunsatu pace, Thiang Thlarau, Pa ni ka can-ai ih a thlah thokmi ni cu izongza a tan zirh hngai lei ih, nan hemih ka sim taakmi hmawhhmawh a tan phirphuak hngai thok.

Ka thupiakpawl ngei ih zul hngai tu mipawl cu a ma daw tu mipawl an ii; culeh a ma daw tu mipawl cu ka Pa ni a daw hngai thok, cun kei ni daw hngai in an hemah ka phuanglang tia thok,” tiah a ti.

Culeh Pa hemah ka dil lei ih, nanmah hemih kumkhua om dingah Khunsatu pace a tan pia hngai thok. Ahihi vulei mi ni cu an hmuh lo leh an tiah lo ruangih an co khawh lo mi thutak Thlarau a ii. Nangmi ni tu cu, nan hemah a hmun ih, nan sungih a om thok ruangah nan tiah.

Pa cu Tiapa sungah sunparsak a ik nakdingah ka min in nan dilmi poh ka tan vuak piak hngai thok. Ka min in thil pakhatkhat, nan dil a’cun, ka vua kau thok.

“A ma dawt hngai a’cun, ka thupiakpawl nan zul thok.

Ka Pa ih inn sungah omnak hmun tlungpi an om. Nan ca’h hmun tuahsi dingah ka tat thok. Acuti’n i hlah sela nan ca’h hmun tuahsi dingah ka tat thok tiah ka tan sim ta hngai thok hmen maw?

Culeh, tatin nan ca’h hmun ka tuahsiit a’cun, ka omnak ih nan om ve nakdingah ka pha ṭhan thok ih ka hemah ka tan la hngai thok.

Thomas ni, “Bawipa, khawnangih na tah thok tal kan tiah lo. Khawtiin a lam cu kan tiah thok hmen?” tiah a ti.