Popular Bible Verses from Johan 16

Share

Kamah sungah nangamnak nan ngeih nakdingah ahihi ka tan sim hngai. Vuleipi a’hin hartuarnak nan tuak. A i na’n tha la uh; vuleipi ka neh rom!” tiah a sawn hngai.

Thutak Thlarau pha taw zong ah, thutak zate ah tan hruai hngai leh lei; icatile amah ih thu in a ang thok lo, a zakmi itupoh a ang thok, cun a pha leimi thilpawl nan hemah a than thok.

Atu tiang cu ka min in ituhman nan dil rih lo. Dil u la nan ngah thok, cuticun nan lungawinak a kim taw.

Amahbelte, thungai ka tan sim hngai: ka tah mianmi hi nan ṭhathnemnak ca’h a ii, icatile ka tah mianmi lo a’cun nan hemah Khunsatu a pha thok lo. A i nain ka tah a’cun nan hemah amah ka thlah thok. Culeh a phat tikah vulei mipawl hi sualnak, dingnak leh thuṭhennak thu ah an palh ti a lansak thok.

Curuangah atu cu nan ngaih a sia; a i nain ka tan tuak hngai ṭhan thok ih nan thin a nuam thok, cun ahuhman ni nan lungawinak cu an tan sut zo thok lo. Cui ni a’cun nangmi ni itu thu hman a ma dil hngai ti thok lo. Thungaiin ka tan sim hngai, Pa hemah ka min in itumaw nan dilmi cu a tan pia hngai kau thok.

Thungaiin ka tan sim hngai, nangmi cu nan ngaihsia in nan ṭap thok, vulei mi zong cu an tha a nuam thok; titiak nan tuar thok, a i na’n nan titiak cu lungawinak ah a cang thok.