Popular Bible Verses from ಲೂಕೆ 9

Share

ಐಡ್ದ್ ಬೊಕ್ಕ ಆಯೆ ಮಾತೆರೆಗ್ಲಾ ಪಂಡಿನಿ ದಾನೆಂದ್ಂಡ, “ಏರೆಗಾಂಡಲಾ ಎನ ಬೆರಿಯೆ ಬರಿಯೆರೆ ಮನಸಿತ್ತ್‌ಂಡ ಆಯೆ ತನನ್ ತಾನ್ ತಿರಸ್ಕಾರ ಮಲ್ತ್‌ದ್ ದಿನಾಲ ತನ ಕ್ರುಸ್ಸುನು ತುಂಬೊಂದು ಎನ ಬೆರಿಯೆ ಬರಡ್.

ತನ ಪ್ರಾಣೊನು ಒರಿಪಾವೊಡು ಅಂದ್‌ದ್ ಉಪ್ಪುನಾಯೆ ಅವೆನ್ ಕಳೆವೊನ್ವೆ; ಆಂಡ ಎಂಕಾದ್ ತನ ಪ್ರಾಣೊನು ಕಳೆವೊಂಡಿನಾಯೆ ಅವೆನ್ ಒರಿಪಾವೊನ್ವೆ.

ಯೇಸು ಆಯಗ್, “ಏರಾಂಡಲಾ ನಾಯೆರ್‌ದ ಮಿತ್ತ್ ತನ ಕೈನ್ ದೀದ್ ಪಿರ ತೂಂಡ, ಆಯೆ ದೇವೆರೆ ರಾಜ್ಯೊಗು ತಕ್ಕದಾಯೆ ಅತ್ತ್,” ಪಂಡೆ.

ಒರಿ ನರಮಾನಿ ಲೋಕೊನು ಸಂಪಾದನೆ ಮಲ್ತೊಂಡೆಡಲಾ ತನ ಪ್ರಾಣೊನು ಕಳೆವೊಂದು ಇಜ್ಜಿಡ ಹಾಳ್ ಮಲ್ತೊಂದು ಉಲ್ಲೆಡ ಆಯಗ್ ದಾದ ಪ್ರಯೋಜನ ಉಂಡು?

ಏರಾಂಡಲಾ ಎನನ್ ಬೊಕ್ಕ ಎನ ಪಾತೆರೊಗು ನಾಚಿಗೆ ಮಲ್ತೊನುವೆನಾ, ಆಯಗ್ ನರಮಾನಿ ಮಗೆ ತನ್ನಲಾ ತನ ಅಮ್ಮೆರೆಗ್ಲಾ ಪರಿಶುದ್ಧ ದೂತೆರೆಗ್ಲಾ ಉಪ್ಪುನ ಮೈಮೆಡೊಪ್ಪ ಬನ್ನಗ ನಾಚಿಗೆ ಮಲ್ಪೆ.

ಯೇಸು ಆಯಗ್, “ಕುದ್‌ಕೆರ್‌ಲೆಗ್ ಮಾಟೆಲು ಉಂಡು; ಬಾನೊಡು ರಾಪಿನ ಪಕ್ಕಿಲೆಗ್ ಗೂಡುಲು ಉಂಡು; ಆಂಡ ನರಮಾನಿ ಮಗಕ್ಕ್ ತರೆ ದೀಪಿನಾತ್ ಜಾಗ್‌ಲಾ ಇಜ್ಜಿ ಅಂದ್‌ದ್ ಪಂಡೆ.”

ಅಕ್ಲೆಗ್, “ಏರಾಂಡಲಾ ಎನ ಪುದರ್‌ಡ್ ಈ ಬಾಲೆನ್ ಸೇರಾವೊಂಡೆಡ, ಎನನ್ ಸೇರಾವೊಂಡಿಲೆಕ್ಕ ಆಂಡ್. ಬೊಕ್ಕ ಏರಾಂಡಲಾ ಎನನ್ ಸೇರಾವೊಂಡೆಡ ಎನನ್ ಅತ್ತ್, ಎನನ್ ಕಡಪುಡ್ದು ಕೊರಿನಾಯನೇ ಸೇರಾವೊಂಡಿಲೆಕ್ಕ. ದಾಯೆ ಪಂಡ ನಿಕ್ಲೆಡ್ ಮಾತೆರೆಡ್ ಏರ್ ಎಲ್ಯ ಆಪೆನಾ ಆಯೆನೇ ಮಲ್ಲಾಯೆ,” ಅಂದ್‌ದ್ ಪಂಡೆ.