Popular Bible Verses from لوقا 5

Share

وَامِي يكمّڒ اَوَاڒ نِّي ينَّا-ٱس إِ سِمْعَان: "نْده ثَغَرَّابُوْت نّش غَار مَانِي ؤُدْجْغن وَامَان ضْڒق ثِرَاشِّيوِين حمَا اَذ تْحدْجْقذ يسڒْمَان."

ينَّا-ٱس سِمْعَان: "آ لْمُعَلِّيم، نشِّين دْجِيڒث ثكْمَاڒ نْخدّم وَار د نْسِيڒِي ؤُڒَا ذ يجّن ن وسْڒم، وَلَكِن وَامِي ت ثنِّيذ شك اَذ ضڒْقغ ثِيرَاشِّيوِين." وَامِي ݣِّين اَمُّو سِيڒِين-د اَطَّاس ن يسڒْمَان، ثِرَاشِّيوِين نْسن عْڒَاين اَذ قَّرْصنْت.

نتَّا تُوْغَا يتْرَاح غَار يمُوْشَان إِݣ يخْڒَان حمَا اَذ يࢲَّادْج ذِنِّي.

ينَّا-ٱسن: "نش وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان حمَا اَذ تُوْبن، ؤُسِيغ-د غَار يِنِّي يعصَّان."

سِمْعَان بُطْرُس وَامِي يࢲْرا مَانَايَا يُوْسَا-د يوْضَا غَار يضَارن ن عِيْسَى ينَّا-ٱس: "آ سِيذِي، بعّذ خَافِي نش ذ لْعَاصِي."

يَارَّا خَاسن عِيْسَى ينَّا-ٱسن: "ئِوْذَان يصحَّان وَار تحْذِيجِين بُو وضْبِيب، أَضْبِيب تحْذَاجَان-ث يمهْڒَاش."

وَامِي د ذوْڒن س ثْغَرُّوْبَا غَار ڒْبَرّ سمْحن ذِي مَارَّا مِين غَارْسن ذْفَارن عِيْسَى.

وَامِي عِيْسَى اَقَاث ذݣ يِجّن ن ثنْدِينْت، يُوْسَا-د يجّن ن ورْيَاز ذَايس جْذَام اَطَّاس. ئِࢲْرَا عِيْسَى يوْضَا-يَاس غَار يضَارن يتَّار-اَس ينَّا-ٱس: "آ سِيذِي، شك مڒَا ثخْسذ ثزمَّرذ اَذَايِي ثسِّيصْفِيذ." ئِقَارّب غَارس عِيْسَى يحَاذَا-ث س وفُوْس نّس ينَّا-ٱس: "وَاه نش خْسغ، شك قَا ثݣنْفِيذ!" صَافِي ذݣ ومْشَان يرُوْح-اَس جْذَام نِّي.

وَلَكِن سّنِّي يبْذَا يتنْتَاشَر خَاس ڒخْبَار كْتَار عَاذ. ؤُسِين-د غَارس اَطَّاس ن ڒْغَاشِي حمَا اَذَاس سْڒن حمَا اَذ ݣنْفَان زِي ڒهْڒَاشَاث نْسن.