Popular Bible Verses from MARKƏ 13

Share

Kaŋ keɗe bə məlaŋ dərəŋ yaŋ wəra gud səmana. Səma hulum bə minti əsəŋ ne ŋəŋ ku kel teŋa hãã a me duŋ, wə seere yaŋ wəra.»

Aŋ əsə la wəra gə gunə-guni daana gə ɗampə-ɗampe, gud maa mo ko toŋ tuli kotnə moŋ, paapa də dərəŋ ba.

Bə minti yə humnuŋ ne bə ɗe a ko bə kəətiŋaŋ, aŋ a yaake ku tarməyaŋ bə ceme wəra minti aŋ ɗe a waate kəna minti harmə moŋ, ba. Aŋ koloŋ ne warna ada naŋ, aŋ waatə la haa kel gə minti Pepeŋ bə ayaŋ dəŋ faɗi. Gud maa mo aŋ bə waate kel haa paapa bay cəərəŋ ba, Tiiru Cetcetaŋ bə ayaŋ hel də hərəy haa tá.

Tarmə pepeŋ daana seŋkaŋ bə ji ajew na pəda, səma kel katən bə ji yaŋ saksaki.

Kormə Hulúm hare da dər hi muntu mo, dər cəwa məntə mo, hulum anə məna paapa bə asə-ase ba; koo kaa kə digi kə Pepeŋ, koo Kurmuyuŋ asaŋ bə gəm. Pep Abaŋ ɗaaməna bə asə-ase haa tó.

Aŋ bə əskiti sam anə duuriŋ də saraŋ máŋ-máŋiŋ daana nayto too-too-to'iŋ yaŋ gəm. Aŋ a jeme walka ba, gud maa mo kel teŋ kir ji, səma paapa kəm tewe də koŋ faɗi ba.

Aŋ gəm, aŋ jəə la wəra gə gunə-guni! Gud maa mo, bərdə kuliŋ bi haa herheraŋ mo, duugŋ leŋ mo, siswiɗi mo, bəbəgi mo, aŋ paapa gə asə-ase ba. Bi nuutuŋ humnuŋ dərəŋ ne bokiŋ, aŋ jəə la kir minti wə a fəlaŋ a kina ba! Kel gə minti ten bə waataŋ dəŋa ha'aŋ, yə kə kaŋ keɗe: aŋ əsə la wəra gə gunə-guni!»

Aŋ bə ase gidiirə kaa yaŋ bə piti cəərə gidiirə kaa gaalaŋa, seŋka mooto cəərə daalaŋ mooto gəm. Anə miirti bə seŋkaŋ daana tay bə jəəti yaŋ ta'-ta'i a koŋa. Kel teŋ gə ŋarə-ŋere haa də gəəli bə minti həlgəŋ fəlu a kəkəy bə minti a ɗele weŋ.

Gud maa mo, gidiirə kaŋ keɗe doŋ kir iski *Kel pəsaŋ kəmarwaŋ wəra kəm.

Gud maa mo kaa ablaw piti yaŋ bə ji kusri damdi té kəna ten ana. Mindi mindi mo bə waate yaŋ minti tó kəna *Hulum bə minti Pepeŋ ŋəmnuŋ! Kəya yə laŋte kaa yaŋ wəra ablaw faɗi.

Aŋ teŋ ha'aŋ, aŋ jəə la wəra gə gunə-guni cəərə kusrəŋa gəm. Yə bə ayaŋ yaŋ warna a ko bə jeme kəəti na, yə bə wətəŋ yaŋ giidə *kuli bə toose kə kaanə Ziwifiŋa gəm. Yə bə mantətaŋ yaŋ warna tiinə kaa kə dəməəməŋ na daana tiinə kəkamnaŋ na gud kel dəna. Aŋ ji kəmnə də kəkəy də kel katən wəra a niini haa də ko toŋ faɗi.

Gud maa mo, kaa gə minti bə ji kusri yaŋ minti té kəna Kristu, Hulum bə minti Pepeŋ ŋəmnuŋ, kumundu ba *kaa kə jogte ku mini kə Pepeŋ, bə pəəti diri yaŋ ablaw. Yə jəəti kar gə ŋili kaa yaŋ bə ge dər minti haa də səɓaki kə Pepeŋ, daana yə jəəti miɗi yaŋ gəm kir minti té sə a nakə laŋ, kaa gə minti Pepeŋ ŋəmnəy wəra a kusruŋ, té sə a ləŋəy wəra.

Yeesu waataŋ pa minti: «Dər ko toŋ na, adoro də lasi taŋaŋ, cəwaŋ bə ge giziɓi wəra, leere bə kitir bə ji pəda gəm, seskaŋ bə awte yaŋ warda, səɓaki də apəyaŋ miirti yaŋ gəm.