Popular Bible Verses from MARKƏ 14

Share

Wə minti: «Aba, barən, tam bə nakə-neke cəərə kara keɗe. Zenə kopi bə lasi toŋ la wəra sarəna. Səma kel teŋ jəə la paapa damdi giidən bəlaŋ ana ba, yə jəə la damdi giidim bəlaŋ ana.»

Aŋ əsə la wəra gə gunə-guni, aŋ toosə la kir minti aŋ əsə la ŋəŋ tiinə ke bə kuŋa. Hulum kisirkiŋ wəra bə ɗampə-ɗampe dər ɗiki du bə ji pisiŋ, səma a kusukiŋa, wə wəra bə dawə-dewe, wə neke bə jəw ba.»

Gəəzi, ten waataŋ, a ko muntu muntu mo cəərə seŋkaŋa keɗe bə minti *Kel pəsaŋ kəmarwaŋ bə waate yaŋ wəra adaŋ, yə tope bəlam də karman bə minti həlgə taŋ a juunuŋ yaŋ wəra gəm. Bədoona ana cəərə kaŋ hare yaŋ bə ɗiki cəərə saksaki.»

Wə wəətənəy minti: «Laaweŋ kalnan cəərən, golde ko bə me. Aŋ əsə la kəna gə gunə-guni.»

Bə minti yə bə hameŋ, Yeesu haŋ mappaŋ kəəsu, wə jəŋ suuse cəərə, wə ɗoklona dərə, wə ayna a *kaa gə guuduŋ. Wə wəətənəy minti: «Aŋ doorə la, haa kəya kusrən.»

Adoro, wə haŋ kopi bə seŋ, wə jəŋ suuse a Pepeŋ cuuru, wə əynu a kaa gə guuduŋ, yə jugtunu a kumsi bə se wəra ada keɗe. Wə wəətənəy minti: «Haa kor dən bə minti Pepeŋ doŋ *jaa təmarwaŋ də kaŋ duuruŋ. Wə bə ge yaŋ wəra gud kaa kə ablawa.

Yeesu waataŋ *kaa gə guuduŋ minti: «Aŋ bə ji yaŋ gə gajgə-gajge dər de nəətiŋa. Gud maa mo Pepeŋ waataŋ wəra giidə kefter nuutuŋa minti: ‹Ten bə awe hulum bə gole cəərə kaamaŋ wəra, yə bə meere yaŋ wəra də tara gəm.›

Aŋ pətə la! Hulum bə minti ayan wəraŋ day cawa. Áŋ jəmu duru la.»

Yeesu hərnu kel minti: «Gəəzi ten waatam, dayna-dayna, duugŋ kəna derra faɗi, ajew də minti goglokiŋ hõõde bə ɓasiŋ, tam bə malte kum yaŋ wəra cəərəna kampa soope ɗaw.»