Popular Bible Verses from John 10

Share

“Umali aḵḵawan ta umoy an-aḵaw, pumatoy ḵan dumadail. Yaḵon ḵan saḵon, ummaliyaḵ ta ittaḵ da tagu si biyag aḵ inggana, sa biyage ippun angkurangana.”

Ḵanan os Jesus, “Saḵon ambaḻu we antangḵon atta karnero. Sa ambaḻu we antangḵon ittona long-agna'ḵ matoy para'tta tangḵonna.

Te da karneroḵ dongngonda gingaḵ. Ḵad igammuḵ dida ya tun-udonda saḵon.

Ittoḵ ḵan dida biyag aḵ inggana ta adidapun misina ḵan Apudyus aḵ inggana ya naippun paat maḵapuḻos ḵan dida ḵan saḵon.

Saḵon lewangan ḵad ngaimane angoy ḵan saḵon, matagu. Isuna karnero we maḵwae lumnoḵ ḵan lumawa ya umoy anggaḻab.

Saḵon ambaḻu we antangḵon atta karnero. Igammuḵ da karneroḵ ya igammuda bos saḵon.

Aḵ Amaḵ we nangitod ḵan dida ḵan saḵon, siya ḵangatuwan atta losan. Pun naippun ḵallamog maḵapuḻos ḵan dida ḵan Amaḵ. Saḵon ya aḵ Amaḵ, ossaan ḵani.”

Igammun Amaḵ saḵon ḵad igammuḵ os aḵ Amaḵ. Ḵad naḵasaganaaḵe angitod atte long-agḵu'ḵ matoy gapu'tta karneroḵ.

Naippun paat maḵaaḻa'tte biyagḵu yaḵon sipupusuwaḵe angitod. Anna ḵabooḻaḵe angitod atte biyagḵu ya anna bos ḵabooḻaḵe amauli. Sa imbilin Amaḵ, ḵasapuḻane ḵooḵ.”

Pun ḵanan os Jesus we nangipani, “Ibagaḵ ḵan diḵayu ḵatuttuwaan, saḵon lewangane ayon da karnero.

Sa matangdanane antangḵon, nu awad ilana'ḵ atape asu aḵ angiduḵḵus atta karnero, tenana dida ya umawid te daḵampun aḵ siya gattoḵe antangḵon ya sinḵuwa'tta karnero. Ḵad sa atape asu, iduḵḵusna doḵmaan dida ya umasbuḵda.

Pune sadi ḵanan Jesus we nangipani, “Ibagaḵ ḵan diḵayu ḵatuttuwaan, ngaimane adi lumnoḵ atte lewangan ni puḵuḵan da karnero yaḵon ḵumaḻab si osae maoy, sanat aḵḵawan ḵan tulisan.