Popular Bible Verses from Kula ɗa Njeka̰ykulaje 2

Share

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Be ɓa gə ndɔ-ndɔ ja ꞌɗe d-ar njeka̰ykulaje ꞌndo-je ne, gə ꞌɗa mə kara, ꞌcɛdə mbə naa gə nəm ngaɓa ꞌdəji Luba naa gə nəm tɔ.

Be ɓa Njil Njerɔsangə ɗe ɗusu mə-je tɔ̰y ar ꞌtəl ꞌpa ndo̰ tarje gə ɗangə dang-dang gə Njil le ar-je mba kar ꞌpa.

Gə tɔg-ɛ baa, kɔr ne ḭ dara ɓar to gə ləl gə ula gə singa be, uba-je nangə bus baa, ta mə kəy gə d-isi kəne le pɛ-pɛ. Go-e gə ɗaa d-o-je ne ce to to gə ndo̰ pər be, gangə mbidi-mbidi uwa dɔ-je kara kara tɔ̰y. Be ɓa Njil Njerɔsangə ɗe ɗusu mə-je tɔ̰y ar ꞌtəl ꞌpa ndo̰ tarje gə ɗangə dang-dang gə Njil le ar-je mba kar ꞌpa.

Gə ndɔ-ndɔ ja d-um mə-je naa gə d-isi mə kəy gə lə Luba, d-usa ne naa gə kara baa mə kəyje gə lə-je ngaɓa d-usa ne gə rɔləl nəm gə mənda nəm tɔ. D-ɔsə gaji Luba ngaɓa kula ɗa-je ləl dəw mə ɓeje tɔ̰y nəm tɔ. Be ɓa gə ndɔ-ndɔ ja Mbayɓe ila kɔr dəwje gə d-inga kaji dɔ-je gə taar-taar.

Luba pa na dɔ ndɔje gə gugu nama, Dəw gə ɗa-ɗa kara Njil-m a kuru m-e gə, Ngan-si gə jingaw gə ngan si jene d-a kila mbərə M-a pa tar gə basa̰je d-a ko ne lo kiya gə Ngaɓa ɓugaje kara m-a pa gə je tar gə ni tɔ.

Dəwje tɔ̰y gə ꞌta kagə Kirisi le ꞌmbo̰ naa lo kara baa ngaɓa d-um nekingaje lə-je dɔ naa gə kara baa tɔ. ꞌƊabə nekingaje lə-je gə lo ndɔ lə-je ꞌndogo ngaɓa ꞌkay naa lar-ɛ gə go ne gə na-na kara aw ndoo-e.

Be ɓa dəw gə ɗa-ɗa gə ila ndu-e nangə ɓar ne ri Mbayɓe nama a kinga kaji.

Kar a turu to cil ciməri Ngaɓa nay a turu to məsə, Kede nam ɓa kar ndɔ lə Mbayɓe a ɗe, Ndɔ gə nee le to ndɔ gə bo ya̰ gə ndɔ rɔnduba.