Popular Bible Verses from Marcos 13

Share

Jõmaʉ̃ba marã juradꞌaya mʉ kꞌarea, mawũãmina mʉta pẽwã zuburiata jõñiĩnu nʉmʉrã ẽdrʉya.

Maʉ̃ba dauba bꞌeaudua, zhiwidꞌi bꞌeaudua, marãbara kꞌawuadꞌa ẽbaera mʉrã kꞌãrẽ ewade zeita.

Marãta sopuarãũdua kꞌãrẽta jaradꞌai kꞌareara, miã krĩcharãũdua, awuarabʉrʉ maʉ̃nerã Jawurebiaba jarabibʉrʉta jaraudua, aramaʉ̃nerã marãta bedꞌea ẽã, awuarabʉrʉ bedꞌeaya Jawurebiata.

Bãjã, drua nebaya, mawũãmina mʉ bedꞌeara bari neba ẽã.

Mawũãmina kꞌãrẽ ewade kꞌãrẽ ʉ̃madaudꞌe mawũã berabꞌariira miõba kꞌawua ẽã, miã ángelerã ʉ̃tre bꞌebidꞌa kꞌawuadꞌa ẽã, miã mʉãbidꞌa kꞌawua ẽã, awuarabʉrʉ kꞌawua bꞌʉa mʉ Zezebʉrʉ.

Marãbara zhõta ũrĩnaña namabidꞌa ãĩbidꞌa, maʉ̃nerã perarãũdua, mawũã berabꞌariibara, mawũãmina wadꞌi ẽbaya ewari nʉmʉta jõĩrã.

Marãsidꞌa dauba bꞌeaudua, kꞌawuadꞌa ẽbaera mʉ sõmbedꞌe zeira, baʉcha zeya keubʉrʉdꞌe, o ewari ẽsadra, o eterre berubʉrʉdꞌe, o diapedꞌa. Mobedꞌeba aritiaudꞌe zebʉrʉdꞌera ũdu ẽbaya marã kꞌãĩ nʉmeta. Mʉã marãã jaraira jõmaʉ̃ã jaraya: Dauba bꞌeaudua.

Drua tabꞌeta drua awʉrʉta tabꞌe bawara zhõnaña, nokꞌorãta nokꞌorã awʉrʉ bawara zhõnaña. Baridu maẽ nʉmeña ẽjũã ureta, jarrabata. Maʉ̃ jõma puata jẽdeba nʉmeña.

Bedꞌea biata mʉnebemata ewari nʉmʉ jõĩ nawedꞌa nokꞌorãã chãbꞌaridꞌaita edebʉdadꞌera jaradꞌaibara zhãrã jõmaʉ̃ã.

Nʉmʉne bio sewata mʉneba zebʉdabara mawũãnaña: Mʉrã zhãrã Ẽdrʉbia. Aramaʉ̃ne bio sewadꞌaya.

Mazhikusa kĩrãkuita bꞌeaudua, marã chãbꞌaridꞌaya nokꞌorã wagꞌaurãã, de zhi jʉrebada nʉme maẽ marã udꞌaya. Nokꞌorã kĩrãbita, reirã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya.

Nʉmʉne zhãrã sewata zhãrã ẽdrʉbita bꞌeaya, sewata Daizezeba bedꞌeata jarabibaridꞌe bꞌeaya, ũdudꞌakꞌata odꞌaya zhãrã sewadꞌaita, sewaita obꞌedꞌara sewadꞌaya Daizezeba zhi jʉrʉmata bꞌesidꞌa.

Jari ewadera mawũã zuburia nʉmana tẽãne ʉ̃madaura pãrĩguya, jedꞌekꞌora ʉ̃na ẽbaya. Chĩdaura bãjãneba jurzoaya, ne zarea zromarãta bãjãnebema pʉrʉderreadꞌaya.