Popular Bible Verses from isizwur 27

Share

a‑k‑issu rbbi s‑tġli n‑ignwan, issmġi‑ak‑d ṣṣabt n‑wakal, issigt‑ak imndi d‑waḍil ard afun, gn ayt‑tqbilin ih̬ddamn‑nk, ar‑knnun ayt‑tmizar ġ‑lgddam‑nk, tgt siditsn n‑tarwa n‑innak, ar‑d‑knnun aytmak ġ‑umnid‑nk, tili nnɛlt f‑wanna‑k‑inɛln, tili lbaraka i‑wanna‑yak‑idɛan s‑lbaraka.»

yini‑as ɛisu: «han ism‑ns ‹yaɛqub›, imšaška‑d dids ism‑an, ašku hati snat‑twal ayd‑iyi‑išmt. ikks‑iyi yad tifh̬ddit‑inu. ha ġilad yiwi‑yyi lbaraka.» izayd yini ġakudan: «is‑ur‑iyi‑sul‑tudjit nkki kra n‑lbaraka?»

isawl‑d babas isḥaq yini‑as: «ra‑tzdġt ġ‑illiġ ur‑a‑iṭṭar‑unẓar n‑ignwan ula da‑ttmġay ṣṣabt n‑wakal. s‑uwzzal‑nk a‑s‑ra‑ttddrt. ra‑tgt ah̬ddam i‑gʷmak, walaynni iġ‑trit a‑tnjmt, tbbit ilmma iḥlasn‑ns zġ‑umggrḍ‑nk.»

yini ɛisu i‑babas: «is a‑baba ur‑dark‑tqama ḥtta yat lbaraka? bark‑iyi ula nkki a‑baba.» ar‑ilmma‑issġuyyu ɛisu ar‑yalla.