Popular Bible Verses from isizwur 28

Share

ha‑yyi lliġ bdda dik. ra‑k‑gablġ ġ‑innas tddit, rarġ‑k‑id s‑wakal‑ad. ur‑ra‑k‑flġ, d‑rad‑ssafuġ kullu ma‑s‑ak‑nniġ.»

d‑ha sidi rbbi ibidd srs ġ‑twargit yini‑as: «nkki giġ ‹wad bdda illan›, gġ rbbi n‑babak ibrahim ula win isḥaq. hay‑akal‑ad‑f‑tgnt, rad‑ak‑t‑fkġ kiyi d‑wamud‑nk

ifaq‑d yaɛqub zġ‑iyṭs yini: «s‑ṣṣaḥt illa ‹wad bdda illan› ġ‑udġar‑ad, d‑nkki ur‑ssinġ.»

iggall yaɛqub ġakudan yini: «iġ‑didi‑imun rbbi, igabl‑iyi ġ‑uġaras‑inu iġzzifn, ifk‑iyi mad‑šttaġ ula mad‑lssaġ, ard wrriġ s‑sslamt s‑takat n‑baba, rad‑gġ ‹wad bdda illan› d‑rbbi‑nu. aẓru‑ad lli‑ssbiddġ a‑ig ifir ibayynn, ra‑ig tigmmi n‑rbbi‑nu, ar‑ak‑akkaġ ula tis mrawt zġ‑kullu ma‑yyi‑takkat.»

ra‑yigat‑wamud‑nk zund agdrur n‑wakal. tasutin‑nk rad‑ɛmmrnt ikalln zġ‑tsgiw n‑umṭar n‑tafukt ar tisgiw n‑usġlay‑ns, ula zġ‑tsgiw n‑usmmiḍ ar tisgiw n‑trġi. kiyi d‑wamud‑nk a‑s‑rad‑barkġ kullu tagʷmatin n‑ddunit.

ig ism ‹bayt‑il› i‑udġar‑an [tga lmɛna‑ns ‹tigmmi n‑rbbi›]. kkan‑ttin mddn ar‑ttinin i‑tmdint‑an ‹luz›.