Popular Bible Verses from മര്‌ക്കോസു 4

Share

ഏസ്സ് ഇ്ളാഗി നിന്റ്, <<കാറ്റേ നീ അഡാങ്ക്, കഡാലെ നീ സപ്പെന്റിര്>> എന്റ് മെ്റ്‌ട്ട്‌നാന്. അയി സമ്യ കാറ്റ് അഡാങ്കി, കഡാല് സപ്പാനാറ്റ്. <<നിമ്മ എന്ത്‌ക്ക് ഇത്ത്‌റ അഞ്ചിക്കെപഡുവാദ്? നിമാക്ക് ഇന്നാല്‌മ് നമ്പിക്കെ ഇല്ലേഗ?>> എന്റ് ഏസ്സ് കേ്ട്ടാന്.

<<കാറ്റ്‌മ് കഡാല്‌മ് ഗുഡി ഇയാള് സൊല്ലുവാദ്‌ന കേ്ള്‌ക്ക്‌ന്റല്ല>> എന്റ് സൊല്ലി അവാര് അഞ്ച്‌നാര്. ഇയാള് എത്തവ ആള് എന്റ് തമാക്ക് തമാക്ക് നായ നൊഡിന്താര്.

തോണിക്ക് പിന്ന് സാരി ഏസ്സ് ഒന്റു തലെങ്കണ്ണിന ബെത്ത് ഉറാങ്കികൊണ്ടിന്താന്. സൊല്ലുപഡി നഡാക്ക്‌ന്റവാര് ഏസ്സ്‌ന ബ്‌ളിത്ത് ഇ്ളാക്കി: <<ഗുരുവെ, എമ്മ സത്ത്‌തള്ളുവാദ്‌ന പറ്റി നീ നെനേക്കുവാലേഗ?>> എന്റ് സൊന്നാര്.

അവാര്‌ന നോഡി ഏസ്സ് പിന്നേമ് ഇത്തെ സൊന്നാന്, <<നിമ്മ കേ്ള്‌ക്കുവാദ്‌ന സൊക്കാന നെനേത്ത് നോഡുഡൊ. അഡ്‌ത്തവാര്‌ക്ക് നിമ്മ എഞ്ച്‌ക്ക് അളാന്ത് കൊഡുക്കുന്റുറൊ അഞ്ച്‌ക്ക് താനെത്തെ സാമി നിമാക്ക് തിരിക്കിമ് തരുവാന്. നിമ്മ കൊഡുത്താദ്‌ന ബ്‌ഡ സാമി ദാസ്‌ത്തി തരുവാന്.

ഏസ്സ് പിന്നേമ് ഒന്റു കദെന സൊല്ലി കൊഡുത്താന്: <<സാമി ആളുവ കാല എന്നുവാദ് ഇദ്‌ന പാസെത്തെ. ഒന്റൊരുത്താന് തന്ന് കാഡ്‌ക്ക് പേയി ബെദേന ബിത്ത്‌നാന്. അദ് മൊളേത്ത് ഇ്റ്‌ട്ട്‌പഗാല് ബളാന്ത് കൊണ്ടു ഇര്‌ക്ക്‌ന്റ്. ബിത്ത്‌നവാന് സന്തെറാവെ ഉറാങ്കിളാഗി നഡാക്കാട്ടി അയാള് തെര്യാദെ താനെ ബെദെ ബളാന്ത് കൊണ്ടു ഇര്‌ക്ക്‌ന്റ്.

നാന് സൊല്ലുവാദ്‌ന കേ്ള്‌ക്ക്യ മനേസ്സ് ഇര്‌ക്ക്‌ന്റവാന് അത്തെ നഡാക്കുഡൊ.>>