Popular Bible Verses from Matiyu 28

Share

Oo lɔ mínngɛ, síya súu óo súu é dínɲan lɔ, áa táa o bɛ́ fɛ́ yé ké ii kɛ́ ɲɛ́n kaamɔɔndhye nu le, áa i bátize Fá ó tɔ́ɔla, Dhyénjɛ ó tɔ́ɔla, óni Ní Sɛnnɛnyanin ŋó tɔ́ɔla, ŋwɛ́ɛn kó óo kó láse a mán wé, áa i kála o bɛ́ la ké ii o bɛ́ sháa lataaman. Né kwɛ́ɛn nin ŋé a fɛ lé wé ló ŋóo ló, sánnin dínɲan lábha ŋó cɛ.»

Ɛnza ŋé í mángbaa i la kɛ fɔ kó: «Sébhaaya ó bɛ́ wɛɛ dí né mán sá ŋó lɔ óni lúukolo ó ka.

Malɛɛka oo fɔ muso ólu yɛ kó: «Ále kɛ́nan sháan! Ní lɔ ŋóo áa Ɛnza ne ywáaɲiinnan, ii mín gbáan yíi ó mán. A tɛ yánun, a wɛɛ kúun kɛ bhɔ́ saya o lɔ, óyoo a tɛ wɛɛ fɔ kó a káa kɛ́ tɛ́nmɛn njɔ́. Á lanin ndɛ́ɛ ywáa ó mínnɔn áa nan o mánfɛɛ.

Ɛnza ŋé fɔ i yɛ kó: «A kɛ́nan sháan! Áa táa fɔ Mádhye ólu yɛ ko ii táa Galile langa ŋo lɔ, kó i káa ɲé yénɔn lé.»

Faanlɛɛɲansebhaa olu kúnndii ólu ní cɛba ólu ɲɔ́ɔnɲe kɛ tó kɛ bhyɛ kée mán kɛ longa ngɛ́ swaasi olu ka ni wɛ́ɛ lágbɛɛn ndí lé olu mán, tó kɛ fɔ olu yɛ́ tá kó: «Áa fɔ kó Ɛnza ɲɛn kaamɔɔndhye ŋo lée lúu táa a su ó tá loo nɔ́n sú o lɔ ké án ni sunnɔɔn lɔ. Ni kunndiiba ó kɛ́ táa myɛ́n kó su ó tɛ́ kábulu o lɔ́ bhée, án ɲáan kó ó bɛ́ kɛ ké a kɛ́nan kunngo sɔ́ɔ.» Swaasi olu wɛ́ɛ o tá tó mɔɔn ólu fɔ i yɛ tɛ́nmɛn, ii kɛ cé. Kɛ ta o sán o mán kɛ́nan sii míin nan, o kóman óo búubɛɛ Yawudhyaa olu cɛ́man.