Popular Bible Verses from Niji auritai o ilpu Apostolo 1

Share

ja akupu leh nemda aijaua, et wit yetpam iramia a Nesgan Upene: akupu atimi asuptecnaig nyak aijaua Jerusalem, im Jutaia asega, im Samerya, im lep irai iji pece asega an nobohtan.

Is um ika ehele ra aien. Et eti upene vai caua natovaig naopan iyehki, im nadiat iyehki, is ati a Etmak an nemda o un

is tas ehele ra aien ira asjapicnaig ura, um, ika, Akumu amen Jerusalem aijaua um jim efi atga unyimia, jam aitgaig intas iyehki is upyi asaig a Etmak, akis ahgei ehelek aijaua: is idim baptiso ira atimi a Joanes an wai; ja uhpu baptiso iramia an Nesgan Upene, et wit ti pan itac nadiat inyi ti elpat.

is wat ti pan itac nohocred o un, is nusjai aien, um ehcohos ehele ra, um lep ehvaig niji itai asjaaicnaig inivaijec is ahinag, eris ecet yin ara ira adiat is forte, is tas ehele ra aien va niji itai an nelcau o Atua

Is asan tas iji eigki aien; eris wat aes yin ara, eris imyiaridjai yin; is um leh yin nepeig an nuhup u nesganimtara.

Eris wat anani nesganimtara ara an naridjai o un an nohatag, erus um aiji ubutpotet ehele ra natimi is ero, is ahi napelumai ira rau; erus ika arau. Ak nupu Calili, eka auri aijaua par easji pan an nohatag? Iesu meigki eh mun imyiaridjai yin an nohatag, etpu ham aien et idivaig napan o un ineig an nohatag eka mun almoi aijaua.