Popular Bible Verses from YOHANES 12

Share

Ir akuni An nayedoman etaru wadok kalok, An mutnarek mondok laga dogorak o; eti erugun paga ar An nayedoman eti, An nggoma ari ligin eti, ar nimbirak etoma arar ari lugun o. Nen ir akuni An neyabu erugun mende eti, An Nombae nen inalon palogo woguk bagin o,” yiluk yoragage.

Ir akuni iniluk akba ekodagun kalok, ir iniluk mondok dogu mende eti bularigin o. Ogwe, ir akuni iniluk mende eti, o agar paga yoma nen ina'ir ekodagun kalok, ir iniluk nabedal kabedal mondok dogorak mende eti, idi erogo bartagun o.

An wene yi ebebar mende yokeragin o: ogandum enggen ambiar agarla ai yakbiluk, nen ebe ai agarla yakbu mende eti wartagakdek kalok, ar aingge eti ebe omanggiar dogogin o. Ogwe enggen ambiar eti agarla wartarigin kalok, ar nen enggen pakalok arar yirigin o.

An o agar paga yoma wagagi eti akbinak ake o, Nenaluk ir akuni An Noba ebebar andagun mende eti, o amum akla welagwi kau arar o.

Ir akuni wene An emerirar taga mende kolalkwi ogwe, ebe ekikdek kalok, maduk anggin mende ar oba bigin dek o. Nenaluk An o agar paga yoma wagagi eti, akuni inendokma waganogo, inoba maduk anggin mende bik nen yiluk dek o, ogwe ir inebe kwagago ndilinaburak ake paga o.

Etanogo werekma, Ar Maria nogo minyak ambi endaga Narwastu, ebe onggo ambik mende ma, setengah liter ndak-ndak todek wolok wagage. Wolok wagagerek, Ar Yesus iyok paga kidirogo wukbega lagagerek, iri paga Ar Yesus iyok kogal kirnik kornok tobalkige. Eki nanggige, o uma apmanggwe yemenogo, obogar minyak enogo obari pano-pano ndak warek arar ertagage.

Inaruk koldiluk, ir akuni pakalok yemenogo obogar o endaga palem eti enggangga mbalogo wolok, Ar Yesus eloktekma ilka waganggu dogolir, “Allah Endaga pogor kuwok o! Ar Tuhan endaga paga waga eti, nggok inggi weregar aruwak o. Ap Israel mende Raja eti, nggok inggi werek Ar mban ar etaruwak o!” yiluk akmik mir luk-luk yirugwa.

Yorugwama Ar Yesus nen onggo yoraga dogolir, “Ar Akuni Inakbur eti wogok burak enogo, yogondak arar panggo yi waga o.