Popular Bible Verses from Matius 16

Share

Lopas nian Yesus bopandir ko boko murid-Nyo, “Aman siku' urakng bondar-bondar honda' monjadi murid-Ku, io gola' moninggalan kosonangan dirinyo siku'. Io gola' momikul kayu salibnyo huatan hala tuyut Aku.

Dinga'anbo! Kolai ia'an Petrus, inyo rotinyo ‘Bukit Batu’. Di pucu' bukit batu ni'in Aku paca'an mombangun jomaat-Ku huatan kuaso komatian kinyo mampu mongalahan sia'.

Aku paca'an moonju' ko kolai kunci Koraja'an Sorugo. Aman kolai mongobat sosuatu di dunia ni'in, hal nantai paca'an dikobat di sorugo jam. Aman kolai molopasan sosuatu di dunia ni'in, hal nantai paca'an dilopasan di sorugo jam.”

Aku mongatoan nantai obai urakng inyo moutamoan kohidupannyo sikuꞌ, sobondarnyo kinyo paca'an mondapat'annyo. Apo urakng inyo monyorahan kohidupannyo siku' obai Aku, pasti paca'an mondapat'annyo.

Soumpamonyo ado siku' urakng inyo ulih mondapat'an somuo hal di dunia ni'in, apo io kohilakan nyaonyo sobondarnyo io co borojoki. Io culihnyo momboli nyaonyo.

Lalu, Yesus botakutn ko sia', “Apo, monurut kaitn siku', sopo Aku ni'in?” Simon Petrus monimbas, “Duatn ni'in Rajo Inyo Dijanjian Allah. Duatn ni'in Ana' Allah inyo hala hidup.”

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.