Popular Bible Verses from ဢွၵ်ႇၵႂႃႇ 24

Share

ဢရွင်ႇ​မုၼ်​ၽုင်း​ထႃႇဝရႃႉ​ၽြႃး​ၼၼ်ႉ​ပဵၼ်​မိူၼ်​ၸိူဝ်ႉ​ၼင်ႇ ၽႆး​ဢၼ်​မႆႈ​ယူႇ​ၵႃႈ​ၼိူဝ်​ပၢႆ​ၸိၵ်း​လွႆ​ၼၼ်ႉ သိုဝ်ႈ​ၼႃႈ​တႂ်ႈ​တႃ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ဢေႃႈ။- မူဝ်းသေႇ ​ၶဝ်ႈ​ၵႃႈ​ၼႂ်း​မွၵ်ႇ​ၵုမ်ႈ​လႄႈ ၶိုၼ်ႈ​ၵႂႃႇ​ၵႃႈ​ၼိူဝ်​လွႆ​ၸဝ်ႈ​ၼၼ်ႉ​သေ​ယဝ်ႉ၊ ယူႇ​ၵႃႈ​ၼိူဝ်​လွႆ​ၸဝ်ႈ​ၼၼ်ႉ သီႇ​သိပ်း​ဝၼ်း​သီႇ​သိပ်း​ၶိုၼ်း​တဵမ်​တဵမ်​ဢေႃႈ။

မုၼ်​ၽုင်း​ထႃႇဝရႃႉ​ၽြႃး​တိူဝ်ႉ​ထုၵ်ႇ​ၵႃႈ​ၼိူဝ်​လွႆ​ သီႉၼႃႉ ​လႄႈ မွၵ်ႇ​ၵုမ်ႈ​ႁူမ်ႇ​သုမ်ႇ​ဝႆႉ​ႁူၵ်း​ဝၼ်း​တဵမ်​တဵမ်​ဢေႃႈ။ ၼႂ်း​ဝၼ်း​သတ်ႉတမႃႉ​ၸိုင် မၼ်း​ၸဝ်ႈ​ယူႇ​ၵႃႈ​ၼႂ်း​မွၵ်ႇ​ၵုမ်ႈ​ၼၼ်ႉ ႁွင်ႉ​တီႈ​ မူဝ်းသေႇ ​ဢေႃႈ။

ထႃႇဝရႃႉ​ၽြႃး​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ၊ ၶိုၼ်ႈ​ၸူး​တီႈ​ၵဝ်​ၵႃႈ​ၼိူဝ်​လွႆ​ၼႆႉ​တႃႉ။ ၵဝ်​တၵ်း​ဢဝ်​ၶႅပ်း​မၢၵ်ႇ​ႁိၼ် ဢိၵ်ႇ​တင်း​တြႃး​ၸဝ်ႈ​တင်း​ပိင်း​ၺၢပ်ႈ​ၸဝ်ႈ ဢၼ်​ၵဝ်​တႅမ်ႈ​ဝႆႉ​ယဝ်ႉ​ၼၼ်ႉ ဢၢပ်ႈ​ပၼ်​တီႈ​မႂ်း ပုၼ်ႈ​ဢၼ်​မႂ်း​တၵ်း​လႆႈ​သင်ႇ​သွၼ်​ပၼ်​ပိူၼ်ႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊