Popular Bible Verses from ဢွၵ်ႇၵႂႃႇ 31

Share

ထွမ်ႇ​လူး၊ ၵဝ်​ႁွင်ႉ​ဢဝ်​ၸိုဝ်ႈ​ဢဝ်​သဵင် ပေႇၸလေႇလႃႉ ၊ လုၵ်ႈ​ၸၢႆး​ ဢူႉရီႉ ဢၼ်​ပဵၼ်​လုၵ်ႈ​ၸၢႆး​ ႁူႉရႃႉ ၵႃႈ​ၼႂ်း​ၸိူဝ်ႉ​ၶိူဝ်း​ ယူႉတႃႉ ​ၼၼ်ႉ​ဝႆႉ​ဢေႃႈ။- ၵဝ်​ႁႂ်ႈ​မၼ်း​ပျေႉ​ၸုမ်ႇ​တင်း​ဝီႉၺိၺ်ႇ​ၽြႃး​ပဵၼ်​ၸဝ်ႈ ၼႂ်း​ၺၢၼ်ႇ​ၼႂ်း​ပိင်ႇ​ၺႃႇ ၼႂ်း​ဢတၢတ်ႈ​တၢင်း​ဢၼ်​ၸၢင်ႈ​ဢၼ်​မေႃ၊ ၼႂ်း​တၢင်း​ႁဵတ်း​ဢၼ်​ၸၢင်ႈ​ႁဵတ်း​ၵူႈ​ၸိူဝ်ႉ​ၵူႈ​ပိူင်၊- ႁႂ်ႈ​မၼ်း​လႆႈ​မီး​တၢင်း​ဢၼ် ၸၢင်ႈ​ၵျၢမ်ႇ​ၸၢင်ႈ​ပွင်​လွင်ႈ​တၢင်း​ဢၼ် လၢၵ်ႇ​လၢၵ်ႇ​လၢႆး​လၢႆး ၵူႈ​ၸိူဝ်ႉ​ၵူႈ​မဵဝ်း၊ ဢတၢတ်ႈ​ဢၼ်​ႁဵတ်း​လူၺ်ႈ​ၶမ်း၊ ႁဵတ်း​လူၺ်ႈ​ငိုၼ်း၊ ႁဵတ်း​လူၺ်ႈ​တွင်း​လိူင်၊- ဢတၢတ်ႈ​ဢၼ်​သူၺ်း​သႅင်​လႄႈ​ၸီႇ၊ ဢတၢတ်ႈ​ဢၼ်​မေႃ​တွင်ႈ​မေႃ​ႁဵတ်း​တီႈ​မႆႉ၊ ဢတၢတ်ႈ​ဢၼ်​ၸၢင်ႈ​ႁဵတ်း​လွင်ႈ​တၢင်း​ဢၼ် လၢၵ်ႇ​လၢၵ်ႇ​လၢႆး​လၢႆး ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ဢေႃႈ။

မႂ်း​မွၵ်ႇ​လၢတ်ႈ​တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ လွင်ႈ​ၼင်ႇ​ႁိုဝ်​သူ​တၵ်း​ႁူႉ​လွင်ႈ​ဢၼ် ၵဝ်​ပဵၼ်​ထႃႇဝရႃႉ​ၽြႃး ဢၼ်​ႁႂ်ႈ​သူ​မူတ်း​ၸၢင်ႇ​ၸိုင် သူ​တၵ်း​လႆႈ​ပႂ်ႉ​ဝၼ်း​ၵမ်​သိၼ်​ၵဝ် ဢမၢၼ်ႇ​ၶၼ်​ပဵၼ်​ဢေႃႈ။ လွင်ႈ​မၼ်း​ၸမ်ႉ တၵ်း​ပဵၼ်​လၢၵ်ႈၶၼႃႇ​သၢၵ်ႈ​သေႇ ၵႃႈ​တီႈ​ဝူင်ႈ​ၵၢင်​ၵဝ် ဢိၵ်ႇ​တင်း​ၸူဝ်ႈ​လုၵ်ႈ​ပၢၼ်​လၢၼ်​သူ​ၼၼ်ႉ​ဢေႃႈ။

ဢၼ်​ၼၼ်ႉ​တၵ်း​ပဵၼ်​လၢၵ်ႈၶၼႃႇ​သၢၵ်ႈ​သေႇ​ထႃႇဝရႃႉ ၵႃႈ​တီႈ​ဝူင်ႈ​ၵၢင်​ၵဝ် တင်း​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ဢေႃႈ။ လွင်ႈ​မၼ်း​ၸမ်ႉ ၼႂ်း​ႁူၵ်း​ဝၼ်း​ထႃႇဝရႃႉ​ၽြႃး​ႁဵတ်း​ပဵၼ်​ၽႃႉ​ၵၢင်​ႁၢဝ်​တင်း​လိၼ်​မိူင်း​လႄႈ၊ ၼႂ်း​ဝၼ်း​သတ်ႉတမႃႉ၊ မၼ်း​ၸဝ်ႈ​ယူႇ​ၼိမ်​ၼိမ်​လီ​လီ​သေ​လႄႈ လိုဝ်ႈ​ႁွမ်​ႁႅင်း​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။