ဢွၵ်ႇၵႂႃႇ 31

ၵူၼ်းဢၼ်မေႃႁဵတ်းသုမ်ႉထဵင်ၸဝ်ႈ

(တူၺ်း၊ ဢွၵ်ႇ 35:30-36:1)

1ၵမ်းၼၼ်ႉ ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇထႅင်ႈလႄႈဝႃႈၸမ်ႉ၊- 2ထွမ်ႇလူး၊ ၵဝ်ႁွင်ႉဢဝ်ၸိုဝ်ႈဢဝ်သဵင် ပေႇၸလေႇလႃႉ၊ လုၵ်ႈၸၢႆးဢူႉရီႉ ဢၼ်ပဵၼ်လုၵ်ႈၸၢႆးႁူႉရႃႉ ၵႃႈၼႂ်းၸိူဝ်ႉၶိူဝ်းယူႉတႃႉၼၼ်ႉဝႆႉဢေႃႈ။- 3ၵဝ်ႁႂ်ႈမၼ်းပျေႉၸုမ်ႇတင်းဝီႉၺိၺ်ႇၽြႃးပဵၼ်ၸဝ်ႈ ၼႂ်းၺၢၼ်ႇၼႂ်းပိင်ႇၺႃႇ ၼႂ်းဢတၢတ်ႈတၢင်းဢၼ်ၸၢင်ႈဢၼ်မေႃ၊ ၼႂ်းတၢင်းႁဵတ်းဢၼ်ၸၢင်ႈႁဵတ်းၵူႈၸိူဝ်ႉၵူႈပိူင်၊- 4ႁႂ်ႈမၼ်းလႆႈမီးတၢင်းဢၼ် ၸၢင်ႈၵျၢမ်ႇၸၢင်ႈပွင်လွင်ႈတၢင်းဢၼ် လၢၵ်ႇလၢၵ်ႇလၢႆးလၢႆး ၵူႈၸိူဝ်ႉၵူႈမဵဝ်း၊ ဢတၢတ်ႈဢၼ်ႁဵတ်းလူၺ်ႈၶမ်း၊ ႁဵတ်းလူၺ်ႈငိုၼ်း၊ ႁဵတ်းလူၺ်ႈတွင်းလိူင်၊- 5ဢတၢတ်ႈဢၼ်သူၺ်းသႅင်လႄႈၸီႇ၊ ဢတၢတ်ႈဢၼ်မေႃတွင်ႈမေႃႁဵတ်းတီႈမႆႉ၊ ဢတၢတ်ႈဢၼ်ၸၢင်ႈႁဵတ်းလွင်ႈတၢင်းဢၼ် လၢၵ်ႇလၢၵ်ႇလၢႆးလၢႆး ၵူႈၸိူဝ်ႉၵူႈပိူင်ၼၼ်ႉဢေႃႈ။- 6ဢႁေႃႇလျႃႇၽႃႉလုၵ်ႈၸၢႆးဢႁီႉသမၵ်ႉ၊ ၼႂ်းၸိူဝ်ႉၶိူဝ်းတၢၼ်ႇၼၼ်ႉၵေႃႈ ၵဝ်ၶၢၼ်းဝႆႉလူၺ်ႈၵၼ်တင်းမၼ်းဢေႃႈ။ ၵဝ်ဢဝ်ၺၢၼ်ႇ သႂ်ႇဝႆႉၵႃႈၼႂ်းႁူဝ်ၸႂ်ၶဝ်ၸိူဝ်းဢၼ်လၵ်းလႅမ် တင်းသဵင်ႈတင်းလူင် ႁႂ်ႈၶဝ်မေႃႁဵတ်းၵႃႈဢၼ်ၵဝ် သင်ႇလၢတ်ႈဝႆႉတီႈမႂ်း၊- 7ဢၼ်ဝႃႈမူဝ်းၵႃႇၸဝ်ႈ တီႈၸူႉတီႈတုမ်ပရဵၵ်ႈသၢတ်ႈ၊ တိူၵ်ႈတႃႇတီႈဢၼ်ဝႆႉၶိူင်ႈဢၼ်ၶၢမ်ႇသၢၵ်ႈသေႇ၊ ပလၢင်ႇတီႈၽေႇဢပႅတ်ႈ ဢၼ်တၢင်ႇဝႆႉၵႃႈၼိူဝ်မၼ်း၊ ၶိူင်ႈပိူင်မူဝ်းၵႃႇၸဝ်ႈ ၵႃႈမီးတင်းသဵင်ႈတင်းလူင်၊- 8ၶူင်ႇတီႈၵိၼ် ဢိၵ်ႇတင်းၶိူင်ႈမၼ်းတင်းလၢႆ၊ ၶူင်ႇတီႈတႆႈၽႆး ဢၼ်သႂ်ၸၢင်ႇ ဢိၵ်ႇတင်းၶိူင်ႈပိူင်မၼ်းၵႃႈမီးတင်းသဵင်ႈတင်းလူင်၊ ပလၢင်ႇတီႈဢၼ်တုတ်ႇၽႆးၼၢမ်ႇသႃႇ၊- 9ယိတ်ႈပလၢင်ႇတီႈဢၼ်တုတ်ႇၽႆးတူဝ်ယိတ်ႈ ဢိၵ်ႇတင်းၶိူင်ႈပိူင်မၼ်းၵႃႈမီးတင်းသဵင်ႈတင်းလူင်၊ ၵွၵ်းလူင်ဢိၵ်ႇတင်း တိၼ်မၼ်းသိပ်းၼိုင်ႈ၊- 10ၶူဝ်းၼုင်ႈၶူဝ်းမႆပုၼ်ႈဢၼ်တၵ်းပွင်ႁဵတ်းဢမူႉၸဝ်ႈ ဢိၵ်ႇတင်းၶူဝ်းၼုင်ႈၶူဝ်းမႆဢၼ်မူတ်းၸၢင်ႇ ပုၼ်ႈဢၼ်ယိတ်ႈပရေႃးႁဵၵ်ႈ ဢႃႇရုၼ်ႇဢိၵ်ႇတင်း လုၵ်ႈၸၢႆးမၼ်းၸိူဝ်းၼၼ်ႉ တၵ်းၼုင်ႈတၵ်းမႆၼႂ်းမိူဝ်ႈဢၼ်ပွင်ႁဵတ်းဢမူႉၸဝ်ႈၼၼ်ႉ၊- 11ၼမ်ႉမၼ်းပုၼ်ႈဢၼ်တၵ်းတႃး ဢိၵ်ႇတင်းၼၢမ်ႇသႃႇဢၼ်ႁွမ်ဢၼ်ႁူၺ်း ပုၼ်ႈဢၼ်သုင်းသွင်ႇၵႃႈတီႈထႃႇၼႃႉတီႈမူတ်းၸၢင်ႇၼၼ်ႉဢေႃႈ။ မႂ်းတၵ်းလႆႈႁဵတ်းၸွမ်းၵႃႈၼင်ႇဢၼ်ၵဝ်သင်ႇလၢတ်ႈဝႆႉ တင်းသဵင်ႈတင်းလူင်ၼၼ်ႉဢေႃႈ၊ ဝႃႈၼင်ႇၼႆဢေႃႈ။

ဝၼ်းၵမ်သိၼ်

12ၵမ်းၼၼ်ႉ ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇထႅင်ႈလႄႈဝႃႈၸမ်ႉ၊- 13မႂ်းမွၵ်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ လွင်ႈၼင်ႇႁိုဝ်သူတၵ်းႁူႉလွင်ႈဢၼ် ၵဝ်ပဵၼ်ထႃႇဝရႃႉၽြႃး ဢၼ်ႁႂ်ႈသူမူတ်းၸၢင်ႇၸိုင် သူတၵ်းလႆႈပႂ်ႉဝၼ်းၵမ်သိၼ်ၵဝ် ဢမၢၼ်ႇၶၼ်ပဵၼ်ဢေႃႈ။ လွင်ႈမၼ်းၸမ်ႉ တၵ်းပဵၼ်လၢၵ်ႈၶၼႃႇသၢၵ်ႈသေႇ ၵႃႈတီႈဝူင်ႈၵၢင်ၵဝ် ဢိၵ်ႇတင်းၸူဝ်ႈလုၵ်ႈပၢၼ်လၢၼ်သူၼၼ်ႉဢေႃႈ။- 14ပိူဝ်ႈဢၼ်ဝၼ်းၵမ်သိၼ် ပဵၼ်ဢၼ်မူတ်းၸၢင်ႇတီႈသူလႄႈ၊ တၵ်းလႆႈပႂ်ႉဢေႃႈ။ ၵေႃႉဢၼ်ယႃႉဝၼ်းၵမ်သိၼ်ၼၼ်ႉ တၵ်းလႆႈၶၢမ်ႇတၢင်းတၢႆၵူႈၵေႃႉဢေႃႈ။ ၵေႃႉဢၼ်ႁဵတ်းၵၢၼ်တၢင်းႁဵတ်းၼႂ်းဝၼ်းၼၼ်ႉၸမ်ႉ၊ တၵ်းလႆႈၶၢမ်ႇတၢင်းဢၼ်ပႄႇပႅတ်ႈသေ ၵႃႈၼႂ်းမဵဝ်းၸိူဝ်ႉၶိူဝ်းမၼ်းဢေႃႈ။- 15ႁူၵ်းဝၼ်းတဵမ်တဵမ်တၵ်းလႆႈႁဵတ်းၵၢၼ်တၢင်းႁဵတ်းဢေႃႈ။ ဝၼ်းသတ်ႉတမႃႉၼၼ်ႉ ပဵၼ်ဝၼ်းၵမ်သိၼ် ဢၼ်တၵ်းလႆႈယဵၼ်ငိမ်း လႄႈမူတ်းၸၢင်ႇတီႈထႃႇဝရႃႉၽြႃးဢေႃႈ။ ၵေႃႉဢၼ်ႁဵတ်းၵၢၼ်တၢင်းႁဵတ်းၼႂ်းဝၼ်းၵမ်သိၼ်ၼၼ်ႉၸမ်ႉ၊ တၵ်းလႆႈၶၢမ်ႇတၢင်းတၢႆဢမၢၼ်ႇၶၼ်ပဵၼ်ဢေႃႈ။- 16ပိူဝ်ႈၼႆလႄႈ ၵူၼ်းမဵဝ်းဢီႉသရေႇလႃႉတင်းလၢႆ၊ ၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်းတၢမ်းၼၼ်ႉ တၵ်းလႆႈဢွၼ်ၵၼ်ပႂ်ႉဝၼ်းၵမ်သိၼ်လႄႈ ၵမ်သိၼ်ႁႂ်ႈလႆႈပဵၼ် ပတီႉၺိၺ်ႇထႃႇဝရႃႉဢေႃႈ။- 17ဢၼ်ၼၼ်ႉတၵ်းပဵၼ်လၢၵ်ႈၶၼႃႇသၢၵ်ႈသေႇထႃႇဝရႃႉ ၵႃႈတီႈဝူင်ႈၵၢင်ၵဝ် တင်းၵူၼ်းမဵဝ်းဢီႉသရေႇလႃႉတင်းလၢႆဢေႃႈ။ လွင်ႈမၼ်းၸမ်ႉ ၼႂ်းႁူၵ်းဝၼ်းထႃႇဝရႃႉၽြႃးႁဵတ်းပဵၼ်ၽႃႉၵၢင်ႁၢဝ်တင်းလိၼ်မိူင်းလႄႈ၊ ၼႂ်းဝၼ်းသတ်ႉတမႃႉ၊ မၼ်းၸဝ်ႈယူႇၼိမ်ၼိမ်လီလီသေလႄႈ လိုဝ်ႈႁွမ်ႁႅင်းဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။

18မိူဝ်ႈဢၼ်မၼ်းၸဝ်ႈလၢတ်ႈတေႃႇမူဝ်းသေႇၵႃႈၼိူဝ်လွႆသီႉၼႃႉ ၸိူဝ်ႉၼင်ႇၼၼ်ယဝ်ႉတူဝ်ႈယဝ်ႉၼၼ်ႉၸိုင်၊ မၼ်းၸဝ်ႈဢဝ်ၶႅပ်းမၢၵ်ႇႁိၼ် ၶိူင်ႈဢၼ်ၶၢမ်ႇသၢၵ်ႈသေႇ ဢၼ်ၽြႃးပဵၼ်ၸဝ်ႈ ဢဝ်တင်းၼိဝ်ႉမိုဝ်းၸဝ်ႈတင်းတူဝ်လိၵ်ႈဢႅၵ်ႉၶရႃႇသႂ်ႇၼၼ်ႉသွင်ၽႅၼ်ႇ ပၼ်တီႈမၼ်းဢေႃႈ။

Currently Selected:

ဢွၵ်ႇၵႂႃႇ 31: CBMS

Highlight

Compare

Copy