Popular Bible Verses from ဢွၵ်ႇၵႂႃႇ 5

Share

လိုၼ်း​ၼၼ်ႉ​ မူဝ်းသေႇ ​တင်း​ ဢႃႇရုၼ်ႇ ​ဢွၼ်​ၵၼ်​ၶဝ်ႈ​လႄႈ​လဝ်ႊ​လၢတ်ႈ​တီႈ ၶုၼ်​ႁေႃ​ၶမ်း​ ၽႃႇရေႃး ​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၵူၼ်း​မဵဝ်း​ ဢီႉသရေႇလႃႉ ​ၼၼ်ႉ​ဝႃႈ​ၸမ်ႉ၊ ပွႆႇ​ၵူၼ်း​ၵဝ်​တင်း​လၢႆ​ၵႂႃႇ ႁႂ်ႈ​ၶဝ်​လႆႈ​ၶၢမ်ႇ​ပွႆး​ပုၼ်ႈ​ၵဝ်​ၵႃႈ​တီႈ​ၼႂ်း​ထိူၼ်ႇ​ပုၼ်ႉ​တႃႉ၊ ဝႃႈ​ၼင်ႇ​ၼႆ​တီႈ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ၸႃႉ​ၸဵမ်​ဝၼ်း​ဢၼ်​ၶႃႈ​ၸဝ်ႈ ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ႁႂ်ႈ​လႆႈ​ဢိင်​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​သေ​လႄႈ လဝ်ႊ​လၢတ်ႈ​ၼၼ်ႉ​လႄႈ မၼ်း​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​မဵဝ်း​ၼႆႉ​တီႈ​ၶႃႈ​ယဝ်ႉ။ ၸဝ်ႈ​ႁဝ်း​ၸိုင်၊ ဢမ်ႇ​ၵႄႇ​ၶျွတ်ႈ​ဢဝ်​ၵူၼ်း​ၸဝ်ႈ​ႁဝ်း​တင်း​လၢႆ​လႃး​လႃး​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။

မူဝ်းသေႇ ​ၵေႃႈ​ၶိုၼ်း​ၵႂႃႇ​ၵႃႈ​တီႈ​ထႃႇဝရႃႉ​ၽြႃး​လႄႈ လဝ်ႊ​လၢတ်ႈ​ဝႃႈ၊ ဢူဝ်း​ၸဝ်ႈ​ႁဝ်း၊ ႁဵတ်း​ႁိုဝ်​လႄႈ ၸဝ်ႈ​ႁဝ်း​ၼိၵ်ႈ​ၸၢၵ်ႈ​ငႅၼ်း​သႄး​ၵူၼ်း​မဵဝ်း​ၼႆႉ​ၼင်ႇ​ႁိုဝ်​တီႈ​ၶႃႈ၊ ႁဵတ်း​ႁိုဝ်​လႄႈ ၸဝ်ႈ​ႁဝ်း​ပွႆႇ​ၸႂ်ႉ​ၶႃႈ​ၸဝ်ႈ​ၼင်ႇ​ႁိုဝ်​တီႈ​ၶႃႈ၊

ၶုၼ်​ႁေႃ​ၶမ်း​ ၽႃႇရေႃး ​ၵေႃႈ​လၢတ်ႈ​လႄႈ​ဝႃႈ၊ လွင်ႈ​ၼင်ႇ​ႁိုဝ် ၵဝ်​တၵ်း​လႆႈ​ထွမ်ႇ​ဢဝ်​ၵႂၢမ်း​ထႃႇဝရႃႉ​ၽြႃး​လႄႈ ပွႆႇ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​ၵႂႃႇ​ၸိုင်၊ ၽြႃး​ၼၼ်ႉ​ၸမ်ႉ၊ ပဵၼ်​ၽူႈ​လႂ်။ ၵဝ်​ဢမ်ႇ​ႁူႉ​ၽြႃး​ၼၼ်ႉ။ ၵူၼ်း​မဵဝ်း​ ဢီႉသရေႇလႃႉ ​ၸိူဝ်း​ၼၼ်ႉ​ၵေႃႈ၊ ၵဝ်​တၵ်း​ဢမ်ႇ​ပွႆႇ​ၵႂႃႇ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။

တၢင်း​ဢၼ်​ၼပ်ႉ​ဢၢၼ်ႇ​ၶႅပ်း​ဢုတ်ႇ​ၸမ်ႉ၊ တၵ်း​လႆႈ​ၸႂ်ႉ​ၶဝ်​ႁဵတ်း​မိူၼ်​ၸိူဝ်ႉ​ၼင်ႇ​မိူဝ်ႈ​ဢွၼ်​တၢင်း​ၼၼ်ႉ​ဢေႃႈ။ ယႃႇ​ပေ​ႁႂ်ႈ​ယွမ်း​သေ​ဢိတ်း။ ၶဝ်​ၶၢၼ်ႉ​ၶဝ်​ဢိူၼ်​ၼႃႇ​လူင်​လၢင်​ဢေႃႈ။ ၵွပ်ႈ​ႁွႆး​ၼႆႉ​လႄႈ ၶဝ်​ၸင်ႇ​ႁွင်ႉ​သႅၼ်ႇ​လႄႈ​ဝႃႈ၊ ဢွၼ်​ၵၼ်​ၵႂႃႇ​လႄႈ​ပုၵ်ႈ​ၸေႃႇ​ယိတ်ႈ တီႈ​ၽြႃး​ပဵၼ်​ၸဝ်ႈ​တႃႉ​ႁဝ်း၊ ဝႃႈ​ၼင်ႇ​ၼႆ​ယူႇ​ဢေႃႈ။- ပိူဝ်ႈ​ၼႆ​လႄႈ ၵျၢပ်ႈ​ထၢပ်ႈ​ႁႂ်ႈ​ၶဝ်​ႁဵတ်း​တႃႉ။ ႁႂ်ႈ​ၶဝ်​ႁဵတ်း​ယၢပ်ႇ​ယၢပ်ႇ​ၽိုတ်ႇ​ၽိုတ်ႇ​တႃႉ။ ယႃႇ​ပေ​ႁႂ်ႈ​ထွမ်ႇ​ဢဝ်​ၵႂၢမ်း​ဢၼ်​ပႅတ်ႉ​ဢၼ်​လႅၼ်​ၼႆႉ၊ ဝႃႈ​ၼင်ႇ​ၼႆ​ဢေႃႈ။