Popular Bible Verses from Matthew 19

Share

Iwernga Jesus‑em tawaveghlluwaaq esghaghluki pikii, “Yuget piyaghqaqenghilkangit, Kiyaghneghem piyaghqaqii.”

Enkaangam maalghugunanightuk, ataasiightuk yugusiik. Tamaaken apalluqluku Kiyaghneghem qerngughutestekakek yeqay yugem pellghututesneghillikek.”

Jesus‑em kiimsiqii, “Atightiigastekii Akuzitet Igaqegkat whaten pillghit, ‘Piinlighyuwhaalleghmi Kiyaghneq yungllaghaqngami ulimakaqegkek yugenkuk aghnaankuk’?” Enkaam pikii, “Taana apalluqluku yugem atanillu naanillu unillukek, nulighqullghiik qerngughullequk, enkaam ataasiighllequk yugusiik.

Iwernga Jesus‑em pikii, “Yeqay taghnughhaat tagilit whangamnun. Ineghtegpenaki, qayughllak Ataneghpagullgha Qilagem taghnughhaghestun ayuqelghiit pikaat.”

Iwernga aangelghiilghutet ukaliighllequt enkaam ukavanlenguut angellghughllequt.”

Enkaam whanga apalluqlunga kinkut alngunak uniskumegteki mangteghateng, angleguteteng, nayateng, atateng, naateng, avaqutateng, nalighmeng piitesighaghviteng, nulallequt 100‑alpagluku. Kenlengilngughmengllu unguvalleghmeng allgeghullequt.

Jesus‑em kiimsiqaa, “Naamigtengngwaaghyukuvgu Kiyaghneghem pisqellgha elpenun, aglaghluten qamaglluku saghyan akikluku, akinga tamaana aklumalghiinun tunqughnaken. Enkaam qilagmi aklungilgullequten, taagken tagiluten maliggnakevnga.”

Jesus‑em pikaa, “Sangan aapsinga sangwaa piniitanga? Ataasighhaaguq pinilghii. Kenlengilngughmeng unguvallengyukuvek qaatkiki Kiyaghneghem qelghusii.”

Ungipaannaqlaataghamsi ilanganeng, piyaqniisaghqaaguq camel‑em suflughutelleghqaa sikuum iiyngakun, aklungilnguum yugem itelleghqaaneng Ataneghpagullghanun Kiyaghneghem.”

Enkaam whanga piimsi, yugem pegsaghqaqenghitaa nuliini wetkuqun gelghaghniiqan. Pegtekumigu sameng allaneng apallulighluni, nulightunqigtekumi gelgaghniighullequq nulighqenghhamikun.”

Taagken Jesus‑em maligsaaghteni pikii, “Ipa piimsi, piyaqnaghyaghqaaguq aklungilngughmun yugmun itelleghqaa Ataneghpagullghanun Qilagem.