Popular Bible Verses from Maakusiup Aglangit 13

Share

Tamainnut uumigijaulirumaaqpusi uvanga pijjutigilunga. Nallialli qinuisaarluni aniguijuq taanna piulijaujumaaqpuq.”

Qaujimanasuatsiarissi, qaujisatsiarlusi; qanga nalliutijumaarmangaa qaujimanngginnassiuk.

Tigujaugutsi iqqaqtuivingmullu aataugussi, isumajaarniarasi sivuningani qanuq uqariaqarniarmangaassi; uqausiqarissili tavvani nalliuttumi uqausiksaqtaaqtitaunirijassinnik, nangminiq uqallanginnassi, anirnirli ijjurnaittuq uqallakpuq.

Qilaglu nunalu nungujumaaqpuuk, uqausikkali nungujumaanngilat.”

“Ullup tamatuma nalliunninga ikarrarluunniit nalliannut qaujimajaunngilaq, aingilit aglaat qilangmiittut, Irniulluunniit qaujimannginnivaa, Ataataup kisimi qaujimavaa.

Unataqtunik tusaalirussi unataqtullu unikkausiuninginnik tusaqtitaugussi, kappiasungniarasi; tamakkua nalliutijariaqarmata, silarjuup naggataa suli nalliutinngilaq.

Taimaimmat qaujisatsiarissi, igluup angajuqqaangata tikivviginiaqtanga qaujimannginnassiuk, unnukkut tikituinnariaqarmat, uvvalu unnualluakkut tikituinnariaqarluni, uvvalu qaummaliqtillugu angutiviap nillirvingani, uvvalu ullaannguqtillugu. Tavvainnaq tikikallakpat siniktillusi tikitauqunasi. Ilissinnut uqausirijara tamainnut uqaqpara: iqqumattiarissi.”

Inuuqatigiigjuat unatarumaaqput inuuqatigiigjuanut asimingnut, angajuqqauvit unatarumaaqput angajuqqauvingnut asimingnut; nunami nanituinnaq sajukpillaqattarumaaqpuq, kaangnaqturjuaqaqattarlunilu; tamakkua tavva irnisuktuup ikpingnialirningatut pigiaqpallialiqtut.

Uqausit tusaruminaqtut uqausiuqqaariaqaqput inuuqatigiigjuanut tamainnut.

Amisut atinni uvangaunirarlutit tikittumaarmata uqarlutik, ‘Taannauvunga!’ Amisut uiviirrijumaaqpait.

“Ilissi nangminiq qaujisarissi; tigujaujumaaqpusi iqqaqtuivingmut pititaulusi; aanniqsiqtaujumaaqpusi Juutit ukpirnirmut katimavinginni; aataujumaaqpusi aulatsijinut angajuqqaarjuanullu nangiqullusi saanginni uvanga pijjutigilunga, nalunaiqsijunnaqullusi taakkununga.

Christuusiuniraqtut sulinngittut, nalauttaijuuniraqtullu sulinngittut saqqirumaarmata nalunaikkutarnik saqqititsijumaaqput kamanaqtulinirniglu, tammaqtissilutik, aglaat niruaqtausimajut ajurnanngippata tammaqtinnasuarlugit.

“Ulluit taakkua kappianaqtut kingurngattigut, siqiniq taaqsijumaaqpuq, taqqirlu qaumajunniirumaaqpuq, ulluriallu qilangmit katagarumaaqput, qilangmi pijunnarnit aulatitaujumaaqput.