Popular Bible Verses from Galaciaĉantyidyes 6

Share

Mọꞌdyes jam raꞌ shọijtyejaꞌ carijtacdyeꞌ Jenꞌdyes, jämꞌ raꞌ yejĉojaꞌ bäꞌjaꞌ tsun, yirisĉan raꞌ mạyedyeꞌ mọꞌ ayij jämꞌsiꞌ vädacdyeꞌ, mọꞌ raꞌ chucdyeꞌ tsun, jam farajjejaꞌtyiꞌ jụijyaꞌ tsun.

Mọꞌdyes junꞌsiꞌ jụijyaꞌ ĉụiꞌ tupuj tsun, jemoñeꞌ räj nọ́tyetacsejaꞌ muntyiꞌ in, dadamꞌ muꞌin anicjetety Jenꞌ in jemoñeꞌ nọ́tyetacsejaꞌ in.

Jemoñeꞌ vaj meij raꞌ ñútyitidyeij miꞌin, jedyeꞌ chuc carijsis jụijyaꞌ miꞌin. Meꞌ jụijyaꞌ bäꞌyi miꞌin chat qui raꞌ jịꞌcätsebitinte Cristos p̂eyacdyeꞌ muꞌ.

Jam raꞌ ĉụiꞌ väñätuti miꞌin, Jenꞌ jam junꞌ tupuj majmatuc mijam väñätuc, muꞌ räj chäyisinꞌ. Jeshaꞌ yiris vej jụꞌñis chuc quịc jụijyaꞌ, mọꞌdye mọmoꞌ intsiiꞌ judyeyaꞌ qui vädac, meꞌdye chimeꞌ tsun, junꞌ chuc bäꞌjaꞌ jụijyaꞌ tsun, areꞌ jämꞌ areꞌ jam, meꞌ buꞌjaꞌ raꞌ soꞌmac tsun.

Tyi chuc dyijtuiꞌ in aꞌc̣his aꞌsiꞌ muꞌin, muꞌin raꞌ cạiꞌ sänꞌdyeꞌ in, mọꞌ raꞌ jeñej buꞌyiꞌ vädacdyeꞌ muꞌin. Muꞌin na chiqueptety Jenꞌsiꞌ Ạꞌedyeꞌ in, muꞌin raꞌ Jenꞌyaꞌ bäꞌyi in, mọꞌ raꞌ jeñej buꞌyiꞌ muꞌinsiꞌ vädacdyeꞌ muꞌin.

Vojity, yirity muꞌyaꞌ jụijyaꞌ peñi juchajĉan, miꞌin Jenꞌsiꞌtumtyiꞌ Ạꞌedyeꞌ bäꞌyity miꞌin, jemoñeꞌ rụijsistum p̂eyacdyeꞌ jịꞌcaꞌñebajtinte quivij, jämꞌyedyeꞌtum qui na ramꞌ jébajtinte miꞌin paj qui quivij caꞌñibun, jam jụijyaꞌ meꞌ miꞌin areꞌĉa miꞌinmun peñi chimeꞌdye.

Jam raꞌ vaꞌbunyi miꞌin. Tyi chuc ĉụiꞌ yi: "Yụ nash mujuꞌchaꞌ", muꞌ meꞌ yity, ĉụiꞌ mọmoꞌ väñätuti, ĉaĉaij na muꞌ uyaꞌyaꞌ Jenꞌsiꞌyaꞌ vej shupqui. Jemoñeꞌ ĉụiꞌ dyijtuĉaꞌ junꞌ chuc bäꞌjaꞌ tsun. Rụij bäꞌjaꞌ jụijyaꞌ tsun, tupuj ĉụiꞌsiꞌyaꞌ dyijyedyeꞌ maꞌjotaĉaꞌ tsun, aty raꞌ jam yoctyis dyijtucsebijaꞌ tsun. Jemoñeꞌ vaj cäts ĉụiꞌ ĉujcatiĉaꞌ junꞌ chuc bäꞌjaꞌ tsun.