Popular Bible Verses from Juan 14

Share

Yụ raꞌ ĉojtyiꞌĉansiꞌ maꞌjodyes soꞌmetacyac, yojdyesdyemꞌ meꞌchuiꞌ yụ u, mọꞌ raꞌ soꞌmetacyac miꞌin, mọꞌ jam jacches maꞌjodyes. Jam raꞌ noiꞌyi miꞌin mijam raꞌ cajotyiti chimeꞌ miꞌin.

Jesús vorjete: —Yụ́dye nash majmi buꞌyi, yụ́dye rụijsis buꞌyi p̂eyacdyeꞌ judyeyaꞌ tsạꞌchucsity chimeꞌ yụ, paj qui Jenꞌyadyety in. Itŝij yoctyiꞌ meꞌ yụꞌtacsity paj qui c̣hẹiꞌyaꞌjete Jenꞌ in, meꞌdye yụmꞌ yirity muꞌyaꞌ.

Jéyacsi Jesús: —Jam raꞌ cajotyiti ĉojtyiꞌĉan miꞌin, ĉútiĉamꞌ Jenꞌcheꞌ miꞌin, yụ́cheꞌ chimeꞌ ĉútiĉamꞌ.

Yụ raꞌ cọdyete Jenꞌ paj qui muꞌ jutiyinac Ạꞌedyeꞌ muꞌ, mọꞌ Nọ́taquis, mọꞌ raꞌ cambiyadyes yụ́tum. Mọꞌ qui raꞌ räj jiꞌchäyinac judyeyaꞌ mọꞌdye raꞌ jiꞌdyijvibunac mọꞌ p̂eyacdyeꞌ mọꞌ soꞌmeyacsiꞌ yụ.

Tyi chuc seꞌvibun yụꞌtacdyeꞌ yụ in judyeyaꞌ chäquibun yụ in muꞌin nash mạꞌjintyiꞌ yụ in. Muꞌ Jenꞌ yụ mạꞌjeyacsi muꞌin mạꞌjintyiꞌ yụ in, chimeꞌdye raꞌ yụ mạꞌjeyacsi judyeyaꞌ raꞌ jiꞌcavibun yụ muꞌinyaꞌ in —jéyacsi Jesús.

Yụ raꞌ cọdyete Jenꞌ yụ, muꞌ qui raꞌ jutiyinac yocsiꞌ Nọ́taquis raꞌ, mọꞌ qui raꞌ penꞌdyetunac miꞌin, mijam raꞌ yirisĉan mạyedyeꞌ yajquibunac mọꞌ. Mọꞌ Nọ́taquis raꞌ mọꞌdye Jenꞌsiꞌ Ạꞌedyeꞌ muꞌ, mọꞌ rụijsis p̂eyacdyeꞌ tuiꞌsiꞌ. Jacchety muntyiꞌ in mijam méquiꞌ jụjjepte in, ĉaĉaij na jam cạvepte in mijam chị́yepte chimeꞌ in. Miꞌin na aty chị́yeptinte ĉaĉaij na aty penꞌdyetunac miꞌin judyeyaꞌ raꞌ taĉan ĉojtyiꞌĉan bäꞌyiꞌ miꞌin.

Yụ raꞌ jụjbiyac cọdacdyeꞌ miꞌin, jedyeꞌ chuc cọdaqui jụijyaꞌ miꞌin yụ́siꞌcheꞌ tịj, yụ raꞌ jụjbiyac, paj qui jorojĉanjeyaqui yụ Jenꞌsiꞌ fer buꞌyedyeꞌ yụ. Jedyeꞌ chuc yụ́siꞌcheꞌ tịj cọdaqui jụijyaꞌ miꞌin yụ raꞌ jụjjebiyac cọdacdyeꞌ miꞌin —yi jéyacsi Jesús.

Jesús jéyacsi: —Mạꞌjitiĉaꞌ jụijyaꞌ yụ miꞌin jemoñeꞌ chäquibutiĉaꞌ miꞌin ọij p̂eyacdyeꞌ yụ.

Jenꞌsiꞌcheꞌ bäꞌyedyeꞌ yụ mọꞌyaꞌ daiꞌ vavdyeꞌ in. Muꞌcheꞌ raꞌ jäꞌmij jịjcaij yụ, yụ raꞌ yụꞌtyeyeyac vavdyes miꞌin. Jam meꞌ buꞌyiꞌ jụijyaꞌ, a vuty jam meꞌ jéyac u.

Muꞌcheꞌ raꞌ yụ jämꞌ yụꞌtyeyeyac vavdyes miꞌin, a raꞌ meꞌsiꞌ jụijyaꞌ, chat qui raꞌ caꞌñibun yụ jäshadyeyac, muꞌcheꞌ raꞌ penꞌdyetuyac miꞌin, yócheꞌdyemꞌ yụ u.

Yi muꞌ Tomás jéte Jesús: —Jịꞌchiyacsity, mijam tsun méquiꞌ chịj junaꞌ chuc raꞌ mi, dadamꞌ tsun jam junꞌ mọꞌ chị́yeꞌ majmi —jéte Tomás.