Popular Bible Verses from Juan 15

Share

Yụ jeñej buꞌyi cätidyeꞌ, miꞌin na jeñej buꞌyi dacaꞌ mọꞌ. Tyi chuc yejĉoij yụ́tum in judyeyaꞌ yụ yejĉoij muꞌintum in, muꞌin raꞌ fer Jenꞌdyes bäꞌyi in, yódyemꞌ foꞌ väshiꞌsiꞌ cätidyeꞌ o, meꞌ buꞌyi raꞌ shupquiꞌ in. Jam yejĉoij yụ́tum jụijyaꞌ miꞌin, a vuty jam junꞌ Jenꞌdyes bäꞌyi u miꞌin, a vuty jam jeñej buꞌyiꞌ väshis cätidyeꞌ o.

Yejĉoij raꞌ yụ́tum miꞌin yojdyemꞌ yụ u yejĉoij miꞌintum. Jeshaꞌ yiris dacaꞌ chenꞌ jụijyaꞌ cätidyes mọꞌ, jam junꞌ ĉụiꞌ väshiꞌ mọꞌ. Meꞌdyes miꞌin chimeꞌ jam yejĉoij yụ́tum jụijyaꞌ miꞌin, jam raꞌ junꞌ tupuj Jenꞌdyes bäꞌyi miꞌin.

Miꞌin na yejĉoij yụ́tum jụijyaꞌ miꞌin, judyeyaꞌ yejĉoij chäquibutiĉaꞌ p̂eyacdyeꞌ yụs jụijyaꞌ miꞌin, meꞌ raꞌ chat muꞌ Jenꞌ jụjbunac cọdacdyeꞌ miꞌin, jedyeꞌ chuc cọdyetinte jụijyaꞌ miꞌin muꞌ Jenꞌ.

Miꞌin na jam tsimꞌtiĉaꞌ yụ miꞌin, yoj na yụ tsimꞌtyeyac miꞌin judyeyaꞌ yụꞌtyeyac chimeꞌ paj qui Jenꞌdyes bäꞌyi miꞌin, paj qui jam fibiꞌ bäꞌyi miꞌin. Meꞌ jụijyaꞌ miꞌin Jenꞌ raꞌ jụjjibunac cọdacdyeꞌ, jedyeꞌ chuc cọdyetyetinte jụijyaꞌ miꞌin yụ́scheꞌ tịj.

Mọꞌ mọjoꞌchaꞌ därsiꞌ mạꞌjitidyes, mọꞌ jeñej buꞌyiꞌ yirity muntyiꞌ säñi penꞌdyedyes muꞌ.

Muꞌ räj tochjibun dacaꞌ yụ jụꞌñis chuc jam väshiꞌsiꞌ, mọꞌ na väshiꞌsiꞌ dacaꞌ jụijyaꞌ yụ, memꞌ shovꞌjibun yụ, meꞌ buꞌyiꞌ jämꞌ yụꞌtyeꞌ paj qui dadamꞌ mọjoꞌchaꞌ väshiꞌ.

Ọij p̂eyacdyeꞌ yụ yiꞌ: Vaj meij mạꞌjitiĉamꞌ, yojdyemꞌ yụ mạꞌjeyac u, meꞌdye raꞌ miꞌin chimeꞌ mạꞌjeyacsi.

Yejĉoij yụ́tyidyes Jenꞌ bäꞌyi jụijyaꞌ miꞌin, mọꞌyaꞌ raꞌ jorojĉanjebitinte fer buꞌyedyeꞌ Jenꞌsiꞌ muꞌ, judyeyaꞌ raꞌ anic cäc̣häꞌchutiĉaty shupqui miꞌin.

Jesús jéyacsi: —Yụ nash anicsis cätidyeꞌ buꞌyity, meꞌ buꞌyi yụ, muꞌ na Jenꞌ yụ quịꞌtyiꞌ mọꞌ cätidyeꞌ.

Tyi chuc jam yejĉoij yụ́tum jụijyaꞌ in, muꞌin raꞌ vaꞌcac in, yojdyemꞌ tochtacsiꞌ dacaꞌ o meꞌjeyac raꞌ in. Aty chañej jụijyaꞌ chat qui dụriꞌjeyac judyeyaꞌ jiꞌcoꞌshayac.

Yụ jéyac ọij paj qui maꞌjodyeꞌtum bäꞌyi miꞌin, yojdyemꞌ yụ u maꞌjodyeꞌtum bäꞌyi yụ, meꞌdye raꞌ miꞌin chimeꞌ, cätssistum maꞌjodyeꞌ bäꞌyi miꞌin.

Yejĉoij chäquibutiĉaꞌ yụꞌtacdyeꞌ yụs jụijyaꞌ miꞌin chat qui raꞌ yejĉoiꞌ miꞌincheꞌ buꞌyiꞌ mọꞌ mạꞌjitidyes yụ, yojdyemꞌ yụ u chiquebite yụ yụꞌtacdyeꞌ Jenꞌsiꞌ yụ, meꞌ qui yụ́cheꞌ buꞌyiꞌ mạꞌjitidyes muꞌ.

Q̂uinꞌ jéyac miꞌin: vaj meij mạꞌjitiĉamꞌ —jéyacsi Jesús.

Miꞌin jụijyaꞌ muꞌinyadyety jacchetydyety miꞌin, a vuty mạꞌjinac muntyiꞌ u in. Miꞌin na jam meꞌ, yụ́tyiꞌ tsimꞌtac miꞌin muꞌinĉantyiꞌ miꞌin paj qui cäc̣häꞌchutiĉaꞌ yụ miꞌin, mọꞌdyes muꞌin fáquinac in ĉaĉaij na aty jam muꞌinyadyety miꞌin.