Popular Bible Verses from Jone 15

Share

“Iara jateula gaju eghu, eghuteuna ghotilo jateula grege eghu. Mae ihei te au balugu iara na, iara na au balugna mana. Mana na ure na au sisi kmana. Naugna te theome au ghotilo balugu iara na, ghotilo theome tangomana te eni kaisei glepo na.

Eghume ghotilo au fabrahu balugu iara, eghuteuna iara ginauna au fabrahu balumi ghotilo. Grege te au thegna sopa na theome tangomana te ure na, naugna ne theome au fodu kau gaju gna na. Ghotilo na jateula tuana eghu te theome au ghotilo balugu iara na. Eghuteuna ghotilo theome tangomana te ure themi na.

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

U thofno namha biꞌo te tangomana kaisei naikno te falalase ranghidi kheragnare ngala te lehe ranghidire.

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Igne nogu vetula iara na: Fari namhai jateula ngau iara te namha ghami ghotilo gne eghu.

Kate ure sisi kmana ka ghotilo na, ghotilo falalase ghami themi te nogu mae fanomho tutuani iara na. Eghuteuna naiknore ginauna filoni ka ghotilo nogna nolaghi biꞌo mae Mama na.

Mae Jisas ne cheke eghu ka nogna mae fanomhore, “Iara jateula kaisei gaju te ure sisi te kelira eghu. Mae Kmagu iara na mana jateula mae greireghi gaju te ure sisi te kelira eghu.

Mae ihei te theome au balugu iara na, mana ginauna jateula grege te gnagha te lehe ia eghu. Eghuteuna grege te lehe tuare mala salofodu mala koko lao ka khaꞌaghi mala nako.

Iara chekeni igne ka ghotilo, mala keli tami ghotilo jateula ngau iara te keli tagu gne eghu. Eghuteuna iara magnahaghei ghami ghotilo te mala thofno keli tami fara.

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Eghume igne nogu vetula biꞌo iara te tusu ari ka ghotilo na: Fari namhai!”

Nu jame leghuni ghotilo puhigna nauthoglu igne na, mare ginauna na namha ghami ghotilo, naugna ghotilo nogna naikno u nauthoglu igne. Nu iara neke vahi fadelei ghamihi ghotilo kau nauthoglu igne. Eghume ghotilo theome nogna naikno nauthoglu igne. Naugna tuana naiknogna nauthoglu igne ginauna theome magnahaghei ghami ghotilo.