Popular Bible Verses from Ətefɨ̂aʼ 2

Share

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ghənə ə fɨnə fo sèngɨŋ sə ghənə̂sè sə̂ zɨtə̂ ə̀ghɛ ghɛ ə ghɨətom ə Njisə̀sghè tè zaʼlə. Ghənə tè nyì sə eghɛ èmɔ̀ʼ yîghə̀ ghɨ pomə ə Klâysghè. Ghənə əkɨ̂m tè tsə̂mə̀ fɨnə zhiə kɨŋnə̂ luʼve mɔ̀ʼ.

Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

Kè nyi, fɨake ə kô ekwùtwəyn nyiə kə afof atɛke ə fɨnə kô ə ndɛ zɛ ə ghənə tè nyi ətəyn èkɨ̂m. Ghənə ə pfɨ̀ŋə̀ fe èfɨa, ve nyi kə endəm e wùsve, ve tyəm ə nâʼà piə ndè atu fu. Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò. Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

‹Ə̀ zɨnə nyi eghɛ zɛ ə M tə nə̂ ə mtuʼ mə èkwùŋsə̂m. M tə fo Sèzuʼ se Ŋwaʼa Sɨmse sê ghɨghe əkɨ̂m, ə ghɔyn ghayn ghe ndômnə̀ è ghe zənə ə tsâ ə̀ghɛ ghɛ ə ghe tə kyanə̀ tsɔ̀fə kə shîŋə̀ ətəynke kwəyn. Kwuŋ taynte tə fe ə̀ghɛ ə te laynəlaynə, mə ghe ndo sê Mi, ə tsəmse ə kyîə ə̀ ndumne ghaynghe.

Ghɨ poməghe ə̀kɨ̂m ə faŋa nyi ke sə afɨa àmɔ̀ʼ, fɨnə njîə nâʼà pi ghè vɛ ə ghənə tè kyi, chyâtə̀ sê ngɨŋ sə ghənə̂sè. Ghənə tè pəʼlə èfɨa ə ghənə̂vè, chyâtə̀ èkɛ ətəynve, fo kə se wùə kè kə è tè làʼà.

Fumə ashìŋə̀, nâʼà pîndè vɛ ə è pomə nə Njisə̀s nyi Pɛ̂pɛ ə̀ vəyn, ə è kyi sɔzaze.›”

Chwì tə kɛsə̂ ə è zə nyì kə alɨm, ə njɔŋ kɛse ə è zə pâŋà kə mndəm. Ghɛ nə ghɨnə tə kyanə̀ tsɔ̀fə kə tuʼ èghaʼâ ekɔʼnê ə Pɛ̂pɛve pəyn.