Popular Bible Verses from Ətefɨ̂aʼ 1

Share

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Njisə̀s ə pə̀ynsə̀ sê ghənə nə, “Ghàyn kyi va tyaʼa se kê ashìŋə̀ kɛ ə ghɛ nə ghɨnə tə kyânə̀ ətəyn. Ə̀ nyi Pɨ̀a kə È kyi tyaʼke se pɨaʼtê ashîŋə̀ è tuʼ fɛ ə nâʼàpî èghɛ èkè kàʼaze tə kyayn.

Tuʼve ə zo tuʼ fîfe, ghənə e zhiə, È və tsɛsə̀ sə alàŋ sê ghənə nə, “Kə ghàyn ndo ə Njèlusalɛ̀m zôyn. Ghàyn lɨmte fo zɛ ə M tè tsayn nə Pɨ̀a Vɨm və tsɨ̀nə̀ se fo sê ghàyn. Njɔyn tè fo mmo sê ghɨ è môm mə̂ tsòm pîza zôyn e sè nyi mə ə̀ faŋ ke m̀tuʼ m shyàʼ nyi kə ə tə fo m̀mo sê ghàyn è Zuʼ se Ŋwaʼase.”

Ə̀ tè nyi kə Njisə̀s fe ngəʼ èghaʼâ ə kwuə ə kɛsə zômə̀, È və tyə̀ynə̀ ngɨŋə̂ Vəyn sê ghɨətom ə Vəynghe nə zhi ə zòmə̀ səmɔʼ. È və nə̀ nyi ə tendom ə tendom, sə teshìŋə̀ se tsɨ̀ əfètəyn m̀tuʼ m̀ghɨm m̀kyàʼ, ə fɨnə wâmnə̀ sê ghənə kûmə̀ èfɔ̂yn ə Fezhə̀vè.

Kə Njisə̀s wàmnè mɨ̂sè ghɛ nə ghɨ̂yn, Zhə̀fè ə nə̀ È və kɔʼɔ ekwùtwəyn. Kə ghənə tè pa naynə̂ kɔʼsə̂ ndûə Vəyn, È və kɔʼɔ kə nyi mbàʼsè ə kɨlə fɨ̂nə̀ Vəyn, ghənə ə tàʼa kɛsə fe Vəyn.

Ghənə tè pa naynə̂ kə ekwùtwəyn kə Njisə̀s ndùə, ndômnè yî ghə pfɨ̂ŋə̀ tyəmə̂ ə ghənə ə ngwùŋ, ə̀ pɛ̀, mə ə màʼ ndzɨse fɨfə̂sè. Ndômnè nə ghɨ̂nə̀ ə̀pɛ̀ ə ke ə pfɨf sê chùmtè èpàm nə sɛ nə, “Kûmə̀ ghè ə ghàyn tyəm naynə̂ kɔʼsə̂ è kwùtwəyn nyi ə ghɨ Ngalìlîə? Njisə̀s vɨ̂yn, ə nji ə ghàyn əfètəyn È ve È kɔʼ ekwùtwəyn, tə kɛsə̂ pə̀ kə endom vɛ ə ghàyn fe È ndùə ətəyn.”