Popular Bible Verses from Yowani 14

Share

«Me ndi mu utsiisa benu hyenze. Ni hyenze hya me, me ndi mu upa benu. Me a handi mu upa benu hyo, we bu baatu ba tsi bubaava ve. Nyaha mitima mya benu mivelehelene, na a liba na boomo ve.

Yisu afutili nde: «Me ni nzila, imbuli na monyi. Muutu tso mumosi a huya huli Taata hwavele uvyohele mu me ve.

Yisu aleeli bo: «A liba mitima helini-helini ve. Saani imiinu mu Nzambi, saani kaka imiinu mu me.

Ka mukaliini, Livupu la Ngidi li Taata hutsindaha mu nduhi a me, luulongese benu mu bisiha byosi. Lo luusa ti benu liyibwala monyi, mu moosi ma me andeele benu.»

Muutu wu li mu uyaka matumili ma me, na wu li mu usiingala mo, ni nde wuuna wu atondo me. Muutu wu atondo me, Taata a me sa atondo nde. Me kaka tsa tondo nde, na me tsa monehele na nde.»

Me tsa pondo Taata mu uva benu mukaliini mukima, wu ukumbasa na uba na benu mu bilima na bilima. Mukaliini ni Livupu li imbuli. Livupu li baatu ba tsi buuveletwala uyaka. Mu toni ati, bo utwala umono tso uyaba lo ve. Ka uto ti benu, benu liyabi lo. Mu toni ati lo lili ŋa hati la benu, na lo sa likwilala mu benu.

Na byosi bi benu luuvondo mu nduhi a me, me tsa paanga byo, mana muyusu Taata amonehele mu Mwana. Tso benu livondi pasi isiha mu nduhi a me, me tsa paanga hyo.»

«Tso benu latondo me, benu luusingala matumili ma me.

Mambuha mali ma maasalila mu nzo a Taata a me. Me tsa nzyene mu ayavangila benu mambuha. Tso a buuna ve, me a hakinzabisa benu lo ve.

Na tso me nzyeni hu uyavangila benu mbuha, me tsanzapfutaha. Me tsapolo benu, mana hu me umba, benu kaka liba huuna.

Tomasi aleeli nde: «Pfumu, bisu a liyaabi hu we li mu uyene ve. Buni bisu luuyaaba nzila?»