Popular Bible Verses from Yowani 15

Share

Me ni muti a viinye, benu lili bitabi. Muutu wu akangama mu me, na wu me akangama mu nde, ubaabuta mbutu yindahi, mu toni ati me upele, benu utwala usa pasi isiha ve.

Kangamaani mu me, we bu me akangama mu benu. Itabi hi muti a viinye utwala ubuta mbutu mu hyo mwakulu ve, tso hyo a hyakangama na muti a viinye ve. Ni bumosi kaka, benu utwala ubuta mbutu, tso benu a laakangama mu me ve.

Tso benu likwilili mu me, na mambu ma me makwilili mu benu, vondwaani pasi hi benu litondi, benu sa libaha hyo.

A benu laasoolo me ve, ka me ni wu asoolo benu. Me miipa benu tumili moyiniyi: yenaani, butaani mbutu yi yukwilala. Buuna, pasi hi benu luuvondo huli Taata mu nduhi a me, nde sa ava benu hyo.

Litondo li laalutala, ni ukwa mu toni bambaahi.

Pasi itabi hi hyakangama mu me na hi hyavele na mbutu, Taata ubaatsakula hyo. Na pasi itabi hi hili na mbutu, nde ubaatsyemese hyo, mana hyo hibwefulala ubuta mbutu.

Mukele a me ni wunuuwu: tondosonwani we bu me atondo benu.

Ŋa benu luubuta mbutu yindahi, na ŋa benu luumonehele bayihi ba me, ni ŋaana muyusu a Taata a me humonehele.»

«Me, me ni muti a viinye wa mbuli na Taata a me ni musali a ngundu.

Ka muutu avelekangama mu me, sa babwaha nde hu mbadi we itabi hi muti, na humbisa hyo hibaakanya. Bu bamiimana utolo bitabi bi byakanya, bubaabwaha byo hu mbahu na byo bibaanyenge.

«Me miindeele benu mambu momaana, mana kinya a me yiba mu benu, na kinya a benu yiba yi yaasupahana.

Bu me atsiingili matumili ma Taata a me, me ndi mu ukwilala hutso litondo la nde. Bumosi kaka, benu lisiingala matumili ma me, benu sa likwilala hutso litondo la me.»

Dyambu li me ndi mu utuma benu, ni utondosono.»

Tso benu laakiba baatu ba tsi moyiniyi, tsi yakiitondo bi bili mu yo. Ka benu a lili baatu ba tsi ve. Me atsoolo benu ŋa hati la baatu ba tsi, ni mu toni moyiina baatu ba tsi baabelele benu.