Popular Bible Verses from 1 Corintios 12

Share

I Dios kuya jun qapatan chqajujunal, aljinsab'al re chi o Utewal qu', xwiri kraj Ire chi utz kel chke konojel.

Yix iwonojel ix uch'akul i Cristo, xaq ni'pa yix chijujunal o uri jun ichak chi lik kixajwaxik.

We o k'ax che jun qaqan xaq we che jun qa'ab', lik ronojel i qach'akul kuna uk'axk'ol. Xaq keje ile, we xya' u'ij i qaqan o qa'ab', xaq lik kkikot uri ronojel i qach'akul.

Are i Lo'laj Utewal i Dios kuya chke i jujun wach i kkib'ij, lik o i nojb'al che i kitzij; xaq keje i jub'an chik wach i kkib'ij, lik ktatajik chi lik k'i i keta'am. Xaq o jub'an chik, chi rumal Lo'laj Utewal i Dios, lik nim ukub'ib'al kik'ux che i Dios. Xaq o jub'an chik chi are Lo'laj Utewal i Dios kuya chke chi kekutzirsaj iwab'ib'. Xaq rumal ire o jujun o pki'ab' kki'an i nimaq taq il; xaq o jujun je ajb'il re chke i winaq wach utzijom i Dios chke. Xaq o jub'an chik chi ketiki chretamaxik wach o ru' jun winaq, we are i Lo'laj Utewal i Dios o we xa are itzel tew o ru'. Xaq o jub'an chik, chi rumal i Lo'laj Utewal i Dios, kkiriq jun ch'ab'al chi kkita ti ub'e. Xaq o jub'an chik, chi rumal Lo'laj Utewal i Dios, ketiki chu'aljinsaxik wach usuk' i tzij le.

Xwiri ni'pa i k-aniki, lik are i ucho'ab' i Lo'laj Utewal i Dios k-anaw ronojel ile. Ire xa jun, are ire kjachaw chqe chqajujunal wach kqa'ano, pacha kraj ire.

Keje xu'an i Dios ile che i qach'akul. Kraj Ire chi ni'pa taq i o che, kki'an ti ch'oj chkiwach, xa kkito kib' chkiwach.

Xwiri i patan chi kuya i Dios chqe, lik xa jun ti uwach, xwiri i Lo'laj Utewal i Dios chi kjachaw chqe, xa jun. Lik jalajuj uwach i qapatan chwach i Ajwal, xwiri xa jun i Ajwal chi kojtijin chu'anik uchak. I uchak Dios, lik jalajuj taq u'anik k-anik; xwiri xwi Ire k-anawik chi chqajujunal kqa'an ni i chak le.

Rumali i Dios uya'om ichak chijujunal chi ix jutzob'aj re Ire: Nab'e, je o i apostolab'; ukab', o jujun profeta chi kkib'ij chke i winaq wach u'aljinsam i Dios chke; urox, je o i tijonel, xaq o jujun winaq chi kki'an i nimaq taq il; xaq o jujun kekutzirsaj iwab'ib'; te'uri je o jujun lik ketonik; xaq o i keok'aw utzam chke i je re i Dios, xaq o i kkiriq jun ch'ab'al chi kkita ti ub'e.

Jun ch'akulaj k'i uwach o che, xa jun taj.

Ni'pa i o che i qach'akul, kqach'ob' yoj chi nti qas kicho'ab'. Xwiri ile mas kkiriq uchak chqe.

Wetene ronojel i qach'akul is qab'a'wach. ¿Wach tanik uri kqa'ano? Wetene ronojel i qach'akul is qaxikin. ¿Wach siqanik uri kqa'ano? Xwiri, i Dios lik uyijb'am pacha kraj Ire; lik chila rajwaxik ipa xeukoj wi che i qach'akul. Wetene ronojel xa jun uwach, nti ne qach'akuli.