Popular Bible Verses from यहुन्ना 1

Share

पण जेत्थरै मैहणुवें सै मनि लिया, तेनी तेन्हांनि परमेश्वरेरी संन्तान भूंणैरा अधिकार दित्ता, मतलब तेन्हांनि जै तैस पन विश्वास कातै।

संसार शुरू भूंणा किना पेहिलै वचन थ्या, वचन परमेश्वरा सेईतै थ्या, जै वचन थ्या सैहै परमेश्वर थ्या।

सै ज्योति अंधारू मझ चमकती रेय्ही पण अंधारुरै बोलै सै हियोली ना।

जां वचन मैहणुरा शरीर धारण करि-करि मैहणु बंणा, जां अनुग्रह जां सच्चाई ला परिपूर्ण भौ करि असु बिच बसा, जां तेसैरी ऐतेई महिमा थी जेतेई परमेश्वरेरै इकलौतै पुत्रेरी।

संसारेरी हर-अक चीज परमेश्वरै वचने ला बंणाय, जां ऐहिंयो कौ बि चीज ना, जै परमेश्वरै वचने बगैर बंणाय। ऐ सैहै वचन आ जैस मझ हर मैहणुरा जीवन थ्या, ऐ सैहै आ जै सभनियांं मैहणुवंनी प्रगड़ु दिईंथ्या।

दुईं धियाड़ी यूहन्ने यीशु ऐपु धेरै ऐईंता तका करि बौलु, “तका, ऐ परमेश्वरेरा मेम्‍ना आ, जैस संसारेरै मैहणुवां केरै पापा केरा बौझ हरि करि ऐपु पन लींणा।

सै संसारा मझ थ्या, संसार तेनी ला पेईदा भुआ, पण संसारेरै मैहणुवें सै परियांणा ना। सै अपड़ा मैहणुवां किनि या पण तेसेरै अपड़ै मैहणुवें तेसनी ठौकर मारी दित्ती।

सै जै सच्ची ज्योति आ, सै हर-एकि मैहणु अंन्धारू किना प्रगड़ु मझ अंणति, सै ज्योति संसारा मझ ऐईंणारी थी।

ऐठणीरै तेईनी कि व्यवस्था ता मूसै दित्ती, पण परमेश्वरै अनुग्रह जां सच्चाई यीशु मसीहरै जरियै लुहाई।